Улаанбаатар хотын шинэ төв цэвэрлэх байгууламжийг барих гэрээнд өнөөдөр гарын үсэг зурлаа. Гэрээнд БХБЯ-ны удирдлага болон ерөнхий гүйцэтгэгч БНХАУ-ын консерциумын төлөөлөл гарын үсэг зурав.
БНХАУ-ын 267 сая ам.долларын хөнгөлөлттэй зээлээр гурван жилийн хугацаанд шинэ цэвэрлэх байгууламжийг барьж байгуулах аж. Шинэ байгууламж нь өдөрт 260 мянган куб метр усыг хүлээн авах хүчин чадалтай байна. Цэвэрлэх байгууламжийн бүтээн байгуулалтын ажил энэ хавраас эхэлнэ.
Цэвэрлэх байгууламжийн ерөнхий гүйцэтгэгч нь БНХАУ-ын консерциум ажиллана. Мөн Монголын компаниуд туслан гүйцэтгэгчээр ажиллах аж.
Одоогийн цэвэрлэх байгууламж 160-аад мянган куб метр усыг өдөрт хүлээн авдаг юм байна.
М.Болд
Уншиж байна |