17:10 цаг
УИХ-ын чуулганы нэгдсэн хуралдаанаар ЗТХ-ийн сайд Я.Содбаатарыг чөлөөлөх асуудлыг хэлэлцлээ. Хэлэлцэж байга асуудалтай холбогдуулан гишүүд асуулт тавьж, үг хэлсэн юм. Дараагаар нь ЗТХ-ийн сайд Я.Содбаатарыг үүрэгт ажлаас нь чөлөөлөх санал хураалт явууллаа.
Хуралдаанд оролцсон гишүүдийн 69.1 хувийн саналаар Я.Содбаатарыг үүрэгт ажлаас нь чөлөөлөв.
У.Хүрэлсүх: Я.Содбаатар энэ салбарыг сайн хариуцаж ажилласан
16:50 цаг:
УИХ-ын чуулганы нэгдсэн хуралдаанаар ЗТХ-ийн сайд Я.Содбаатарыг албан тушаалаас нь чөлөөлөх асуудлыг хэлэлцэж байна. Я.Содбаатар нь ЖДҮХС-гаас зээл авсан асуудалд холбогдож, хариуцлага үүрч чөлөөлөх өргөдлөө өгсөн юм. Хэлэлцэж байгаа асуудалтай холбогдуулан гишүүд асуулт тавьж, хариулт авч байна.
УИХ-ын гишүүн О.Баасанхүү "ЖДҮХС-гаас зээл авсан хүмүүс буцаан төлнө гэж байсан. Их хэмжээний мөнгө орж ирсэн байх. Сайдыг дотроосоо томилно гээд байгаа. Гаднаас томилж болохгүй юу. Салбарын хүнийг томилох уу, намын хүнийг томилох уу" гэлээ.
Ерөнхий сайд У.Хүрэлсүх:
-Цаашид Монгол төрд зүтгэх гэж байгаа хүн ямар нэг асуудалд холбогдож болдоггүй юм байна гэдгийг яс махаараа мэдэрсэн байх гэж бодож байна. Улсын хөрөнгөнд хуруу, хумсаа шигтгээгүй хүмүүс байна. Би нөхөр Я.Содбаатарыг энэ салбарыг сайн хариуцаж ажилласан гэж бодож байна. Энэ залуу хүнийг туршлага төрд хэрэгтэй.
ЖДҮХС-гаас дахиж янз бүрийн асуудал гарахгүй гэж бодож байна. Мөн бусад сангуудыг ч шалгана. Сайдаар томилогдох хүмүүсийг судалж байгаа. УИХ-ын гишүүн хүн салбар салбарын мэдлэгтэй болдог.
ЗТХ-ийн сайд Я.Содбаатар:
-Зам, тээврийн салбар том салбар. Төрийн нарийн бичгийн даргаасаа эхлээд энэ яам бүрэн бүтэн болсон. Салбарын хуулиудыг хаврын чуулганаар өргөн баригдана. Ажлын хэсгүүд боловсруулаад явж байгаа. Иргэний нисэхийг шинэчлэх ажил явагдаж байгаа.Онгоцны тийзийн үнэ бодитой буурах нөхцөл бүрдсэн.
БСШУС-ын сайдаас Ц.Цогзолмааг чөлөөллөө
16:30 цаг:
УИХ-ын чуулганы нэгдсэн хуралдаанаар БСШУС-ын сайд Ц.Цогзолмааг гишүүдийн 71.4 хувийн санлаар огцрууллаа.
УИХ-ын гишүүн Ц.Цогзолмаа уг асуудлыг хэлэлцэх үед:
-Манай салбарт томилогдож ирсэн Төрийн нарийн бичгийн даргатай гар нийлж ажиллаж чадаагүй. н.Баярсайхан гэдэг Төрийн нарийн бичгийн даргыг солихгүй бол цаашид ажил явахгүй. Ямар ч ёсгүй хүн бол н.Баярсайхан. Би хувиа хичээгээд явж чадахгүй байна хэмээсэн юм.
С.Бямбацогт: Ц.Цогзолмаа сайн ажилласан
16:20 цаг
УИХ-ын чуулганы үдээс хойшхи хуралдаан болж байна. Хуралдаанаар БСШУС-ын сайдыг чөлөөлөх асуудлыг хэлэлцэж байна. Хэлэлцэж байгаа асуудалтай холбогдуулан гишүүд асуулт тавьж, үг хэлж байна. УИХ-ын гишүүн С.Бямбацогт "Ц.Цогзолмаа сайдын хувьд сайн ажилласан. Харин цаашид Монгол Улсын боловсрол, соёл, шинжлэх ухаан, спортын салбарыг аваад явчих чадалтай хүнийг томилоход анхаараасай гэж хүсч байна" гэлээ.
Н.Энх
Уншиж байна |