УИХ-ын чуулганы нэгдсэн хуралдаан эхэллээ. Энэ өдрийн хуралдаанаар таван асуудал хэлэлцэх юм байна. Мөн намрын ээлжит чуулганыг хаана. Хэлэлцэх асуудалтай холбогдуулан гишүүд үг хэллээ.
УИХ-ын гишүүн Л.Болд: Өнөөдөр намрын чуулганаа хаадаг юм байгаа биз. Ард түмэн удаан хүлээхгүй шүү. А гэдэг хүнийг Б-ээр солиод асуудал намжихгүй. Ээлжит бус чуулганыг хүлээж байна. Бид эв зүйгээ оллоо гэж бодсон. Гэтэл одоо АН-ын бүлэг бойкот зарлалаа гэлээ. АН-ын бүлэг гишүүнээ гишүүнээ хөөсөн. УИХ-ын гишүүнийг сонгогчдын нүдэн дээр хөөж байгаа нь Үндсэн хууль зөрчиж, УИХ-ын гишүүний бүрэн эрхийг зөрчсөн хэрэг. Манай тойргийнхон намайг бие даагаад хүрээд ир гэсэн. Би бие дааж очно гэдгээ хэлсэн. Би коммунист намаас гарсан.
УИХ-ын гишүүн Т.Аюурсайхан: Намрын ээлжит чуулган өнөөдөр завсарлана. Засаг төрөө нэн яаралтай эмхэлж ажилд нь оруулах хэрэгтэй. Боловсрол, зам тээврийн салбар шинэ удирдлагатай болно. ажилд нь шуурхай оруулж, засаг төрийн ажлыг явуулах хэрэгтэй. Ээлжит бус чуулганыг зарлах шаардлагатай. Татварын багц хууль хүлээгдэж байгаа. Өрсөлдөөний тухай хуулийн шинэчилсэн найруулга байгаа. Намрын чуулганаар маш олон хууль батлах ёстой.
Чуулганы завсарлагаанаар Оюутолгойн гэрээний хэрэгжилтийг шалгах ажлын хэсгийг шинэчилж байгуулаа, УИХ-ын дарга аа. Ажлын хэсгийн ажил явахгүй байна. Болохгүй бол би ахалъя. Тооцоо судалгаа нь байна.
УИХ-ын гишүүн Ж.Батзандан: УИХ өөрийн онцгой бүрэн эрхээ хэрэгжүүлэх цфаг болсон. Улс орон маш хүнд нөхцөлд ороод байна. УИХ хууль хяналтын байгууллагын бүгд удирдлагыг өөрчилж болно. Томилох, чөлөөлөх эрх нь УИХ-д байгаа. шинийн таванд УИХ-ын ээлжит бус чуулганыг хуралдуулж, эхний тогтоолоороо бүх хууль хяналтын байгууллагын удирдлагыг солих хэрэгтэй. УИХ-ын дарга ажилдаа яаравчлан орох хэрэгтэй. Бидэнд цаг алдах эрх байхгүй гэдгийг танд хэлье.
Чуулганы нэгдсэн хуралдаанаар Эрүүгийн хуулийг дагаж мөрдөх журмын тухай хуулийн төслийг хэлэлцэж эхэллээ.
М.Болд
Уншиж байна |