Папуа Шинэ Гвиней улсад өнгөрөгч оны арванэгдүгээр сард Ази, Номхон Далайн Эдийн Засгийн хамтын ажиллагааны байгууллагын дээд хэмжээний уулзалт амжилттай зохион байгуулагдсан билээ.
Тэгвэл уг уулзалтын үеэр үйлчилгээнд зориулж, импортолсон 300 гаруй автомашин сураггүй болсон талаар "ВВС" агентлаг уламжлав.
"Цагдаагийнхан дээрх хэргийг мөрдөж, алдагдсан автомашинуудыг эрэн хайж эхэлсэн" гэж Цагдаагийн ерөнхий газрын дарга Деннис Коркоран мэдэгджээ.
Уулзалтын үеэр "Toyota Land Cruiser", "Ford", "Mazda", "Mitsubishi Pajero" гэх 284 автомашиныг гадаадын зочид төлөөлөгчдөд зориулан үйлчилгээнд гаргахаар түр төрийн албан хаагчдад өгсөн байна. Эдгээр автомашины нэг нь л 200 мянган ам.долларын үнэтэй гэнэ.
"Харин уулзалтын дараа автомашинууд СУРАГГҮЙ болсон аж. Дээрх автомашинуудыг хаана нууж байгааг цагдаагийнхан ерөнхийдөө тогтоосон. Удахгүй хэргийн эзэн тогтоогдох болно" гэж Деннис Коркоран мэдэгдэв.
Тухайн үед сөрөг хүчнийхэн уулзалтын үеэр хэтэрхий үнэтэй автомашиныг Европоос авсан явдалд дургүйцлээ илэрхийлж байжээ.
Харин дээд хэмжээний уулзалтын дараахан албаныхан "Maseratis" болон "Bentleys" маркийн 40 автомашиныг төрийн өмчлөлд шилжүүлэн өгчээ.
Уулзалтаас долоо хоногийн дараа "АПЕК"-ийн үеэр хамгаалалтад гарсан цагдаа, хүчнийнхэн цалингаа эрх баригчдаасаа нэхэж, Засгийн газрын ордон руу халдсан юм.
Б.Дэлгэрцэцэг
Уншиж байна |