Зайсан дахь “Peace Villagе” хотхоны оршин суугчдын эрх ноцтой зөрчигдөж буй асуудлаар оршин суугчид болон тус хотхоныг барьсан барилгын компаниуд хамтран мэдээлэл хийлээ.
Тэд “Иргэн Л.Гүндалай гэгч өөрийн хамаарал бүхий этгээд болох О.Одсүрэнгийн нэр дээр 2010 онд Дархан цаазат Богдхаан уулын аманд 5 га газар авсан байдаг. Уг талбайг аялал жуулчлалын зориулалтаар авсан боловч орон сууцны барилга барих боломжтой мэтээр ойлгуулж аж ахуй нэгжүүдийг төөрөгдүүлж тухайн төсөлд 10 гаруй ААН-үүдийг татан оруулсан. Үүний дараа анхны гэрээнээсээ ухарч няцаад гэрээгээ биелүүлсэнгүй гээд гэрээний шаардлагыг улам нэмэгдүүлж анх байр бүрээс нэг давхрыг нь авна гэсэн бол байр бүрээс нэг, хоёр, гурван давхрыг авахаар улайрсан. Тухайлбал ХУД-ийн 11 дүгээр хороо, Дүнжингаравын гудамжинд “Peace Villagе” хотхоныг аж ахуй нэгжүүд барьж байгуулсан. Миний амьдарч буй энэ байрны 1-3 давхрыг бүхэлд нь эзэмшдэг юм билээ.
“Peace Villagе” хотхонд таван байр бий. Энэ хотхоны хажуу талд баригдсан барилгаас 10 тэрбум орчим төгрөгийн байрыг авахаар гэрээлсэн байдаг. Ингээд нийтдээ 16.9 тэрбум орчин хөрөнгийн эд хөрөнгийг одоогийн байдлаар авсан байна. Цаашид нэмж авахаар улайрч байна.
Иймд Дархан цаазат газарт ямар үндэслэлээр таван га газар олгосоон, зориулалтын дагуу ашигласан эсэх, Л.Гүндалай жирийн иргэд аж ахуй нэгжийг хэрхэн дарамталж хөрөнгийг нь булааж авдаг болохыг шалгуулахаар Авлигатай тэмцэх газар болон бусад хуулийн байгууллагад хандаж байна” гэлээ.
Г.Сүрэн
Уншиж байна |