Ерөнхийлөгч асан Ц.Элбэгдорж АТГ-т мэдүүлэг өгөөд гарч ирлээ. Тэрбээр Тавантолгойн асуудлаар гэрчийн мэдүүлэг өгсөн байна. Энэ талаар Ц.Элбэгдорж "Ерөнхийлөгчийн бүрдүүлж өгсөн материалтай холбоотой асуудлаар гэрчээр асууж тодрууллаа. Хуулийн өмнө бүгд тэгш байх ёстой. Хууль дуудвал бид ирж, асуусан зүйлд нь хариулах үүрэгтэй. Ерөнхийлөгчийн өгсөн 178 хуудас материалтай би танилцаагүй. Хавтаст хэрэг рүү хийсэн байгаа. Би ил болгооч гэсэн санал тавьсан, нуух зүйл байхгүй" хэмээн ярилаа.
Мөн тэрбээр "Бид хоёр зүйл хийхгүй байх ёстой. Нэгдүгээрт, албан тушаалтнууд хуулиас зугтаж болохгүй. Хууль дуудсан бол ирж байх ёстой. Хоёрдугаарт, Монгол Улс ШХАБ-д гишүүнээр элсэж болохгүй. Монголын ард түмний эрх, эрх чөлөө, бие даасан байдалд аюул учруулна" гэсэн байр суурийг илэрхийллээ.
М.Болд