Сүүлийн үед гавьяат жүжигчид агаарын иогоор хичээллэж галбир төгс болж буй сурагтай.  

МУГЖ цол тэмдгээр энгэрээ мялаагаад удаагүй байгаа жүжигчин С.Өлзийхүү агаарын иогоор хичээллээд багагүй хугацаа өнгөрүүлжээ. Тэрбээр агаарын иогоор тууштай хичээллэсний үр дүнд охин Х.Баярмаатайгаа ихэр адил залуу, жавхаалаг харагдах болсон.

Тэгвэл түүний араас МУГЖ Ж.Оюундарь агаарын иогоор хичээллэж зөв бие галбир болоод эрүүл мэнддээ анхаарч эхэлжээ. Мөн жүжигчин Шүүдэрцэцэг идэвхитэй хичээллэж төгс бие галбираа хадгалдаг аж.

Агаарын иог нь Нью-Йорк д анх дэлгэрч , японд ч гэсэн олны сонирхлыг ихээр татаж байгаа йогийн нэг төрөл юм. Таазнаас дүүжилсэн алчуурт биеэ ороож, иогийн байрлалыг бэлдэнэ. Алчуурт биеэ ороогоод амьсгалын дасгал, иогийн байрлалыг хослуулж тэнцвэртэй байрлалыг бий болгодог.

Иогоор анх хичээллэж эхлэх гэж хүмүүст хамгийн тохиромжтой. Учир нь хөгжилтэйгѳѳс гадна, яс, үенд даралт ,ачаалал бага үзүүлдэг, дээр нь биеийн бүх булчинг хөгжүүлдэг онцлогтой аж  

Агаарын иогийн давуу тал:

1. Бүх биеийн булчинг жигд хөгжүүлнэ.

2. Тархины цусан хангамжийг сайжруулж, цусны эргэлтийг сайжруулдаг.

3. Тэнцвэр барих, тогтоох чадварыг дээшлүүлдэг.

4. Бүх биеийн булчинг сулруулж , тайвшруулах үр дүнтэй

5. Сунгалтын дасгал болж уян хатан болгодог байна.

Агаарт дүүжлэгдэж, тэнцвэрээ хадгалахын тулд шуу, цээж, хэвлий ,мөр гээд биеийн бүх булчинг ашигладаг. Тиймээс биеийн бүх булчин жигд сайхан хөгждөг. Дасгалын техникт биеийг урвуу байрлалаар зогсоох дасгал ордог учраас тархины цусан хангамжийг сайжруулж, цусны эргэлтийг нэмэгдүүлдэг ажээ.

Г.Сүрэн