"Эрдэнэт" үйлдвэрийн 49 хувийн хувьцааг эзэмшигч “Монголиан коппер корпорэйшн” компанийн гүйцэтгэх захирал Ц.Пүрэвтүвшин, ХХБ-ны гүйцэтгэх захирал О.Орхон, ХХБ-ны ТУЗ-ийн дарга Д.Эрдэнэбилэг нарыг өнөөдөр ЭЦГ-аас баривчлан саатуулж, байцаалт авлаа.
Өмнөх өдөр нь буюу өчигдөр "Эрдэнэт" үйлдвэрийн 49 хувийн хувьцааг худалдан авахдаа 400 сая 270 мянган ам.доллараа хэрхэн бүрдүүлсэн талаарх схемийг ЗГХЭГ-ын дарга Л.Оюун-Эрдэнэ хэвлэлд танилцуулж, төрөөс 72 хувь нь гарсан болохыг мэдэгдсэн.
Өнөөдөр өрнөсөн энэ үйл явдалтай холбогдуулан Ерөнхийлөгч асан Ц.Элбэгдорж цахим хуудсаараа дамжуулан байр сууриа илэрхийлжээ. Тэрбээр "Хувийн хэвшил бол Монголын 70 хувь.Тэнд ажиллаж байгаа хүмүүс ч Монголын ард түмэн.Нээлттэй сонсгол хийж аль аль талыг нь сонсох л хэрэгтэй. 2жилийн өмнөх миний байр суурь хэвээрээ.#сүржигнэхээлбайчих PS: ЭТ үйлдвэр-Монголын өмч. Шахаа багассан,татвар, цалин өссөн,хяналт сайжирсан." хэмээн жиргэсэн байна.
Н.Нягт