Засгийн газрын өнөөдрийн хуралдаанаар "Эрдэнэт" үйлдвэрт зургаан сарын хугацаатай онцгой дэглэм тогтоох шийдвэр гаргасан. Энэ тогтоолыг хэрэгжүүлэхээр Ерөнхий сайд У.Хүрэлсүхийн шийдвэрээр ажлын хэсэг байгуулагдсан юм. Тус ажлын хэсгийг Засгийн газрын хэрэг эрхлэх газрын дарга Л.Оюун-Эрдэнэ ахалж буй. Ажлын хэсгийнхэн "Эрдэнэт" хотод очиж байна.
Тэд өнөөдөр 18.00 цагт хуралдаан зарлаж, "Эрдэнэт" үйлдвэрийн удирдлагуудад Засгийн газрын шийдвэрийг танилцуулах юм байна. Засгийн газраас тогтоосон онцгой дэглэм Эрдэнэт үйлдвэрийн уурхайн үйл ажиллагаанд нөлөөлөхгүй. Зөвхөн санхүүгийн хяналт шалгалт хийгдэнэ гэдгийг ЗГХЭГ-ын дарга Л.Оюун-Эрдэнэ хэлсэн юм.
М.Болд
Уншиж байна |