Л.Оюун-Эрдэнэ: Утаа бууруулах ажлыг эрчимжүүлнэ
3-13

ЗГХЭГ-ын дарга Л.Оюун-Эрдэнэ нийслэлчүүдийг хамгийн ихээр бухимдуулж байгаа агаар, хөрсний бохирдлыг бууруулах чиглэлээр хэрэгжүүлж байгаа ажлуудын явцтай танилцахаар холбогдох ажлын хэсгийнхэнтэй өнөөдөр уулзлаа. Энэ оны тавдугаар сараас нийслэлд түүхий нүүрс оруулахгүй, айл өрх, албан байгууллагуудад хэрэглүүлэхгүй байх шийдвэрийг Засгийн газраас гаргасантай холбоотойгоор ямар ажлууд хийгдэж байгаа, ямар хүндрэл үүсч байгаа зэргийг ажлын хэсгийн гишүүдээс асууж тодруулсан юм. 

 

 

Нийслэлийн гэр хорооллын айл өрхүүд жилдээ 1,2 сая тонн түүхий нүүрс хэрэглэдэг. Энэ хэрэглээг бууруулах зорилгоор сайжруулсан түлшний үйлдвэрийг байгуулсан, үйлдвэрээс гарч байгаа түлшний чанар сайн байгаа, сэрүүний улирал эхэлмэгц гэр хорооллын айл өрхүүдэд хэрхэн түгээж, борлуулахаар төлөвлөөд байгаа зэргийг ажлын хэсгийнхэн ЗГХЭГ-ын даргад дэлгэрэнгүй танилцуулав. Жилдээ 800 мянган тонн сайжруулсан түлш үйлдвэрлэх хүчин чадалтай тус үйлдвэр одоо үйл ажиллагаа нь хэвийн явж байгаа боловч уурхайгаас нүүрсээ татан авах тээвэрлэлтийн асуудлыг яаралтай шийдэх шаардлагатай байгааг “Таван толгой түлш” ХХК-ийн захирал М.Ганбаатар энэ үеэр хэлсэн юм. Хариуд нь ЗГХЭГ-ын дарга Л.Оюун-Эрдэнэ “Уурхайн амнаас нүүрс татах тээвэрлэлтийн асуудлыг холбогдох яамдын сайд нартай хамтран ойрын үед шуурхай шийдвэрлэнэ” гэсэн юм.

 

Мөн ажлын хэсгийн зүгээс ЗГХЭГ-ын даргад хандаж ажлын хэсгийн бүтэц, зохион байгуулалтыг өргөтгөх, чиг үүргийг тодорхой болгох, түүхий нүүрсийг нийслэл рүү оруулж ирэхгүй байхад хяналт тавих цагдаа, мэргэжлийн хяналтын байгууллагын ажилтнуудын бүтэц, орон тоог шийдэх, тухайлбал агаарын бохирдол хариуцсан нэгж цагдаад байхгүй байгаад анхаарал хандуулахыг хүссэн юм.

 

ЗГХЭГ-ын дарга Л.Оюун-Эрдэнэ нийслэлийн утааг арилгах нь Засгийн газар, Зам, тээврийн хөгжлийн яам, Байгаль орчин, аялал жуулчлалын яам, Уул уурхайн яам, нийслэлийн удирдлагуудын тус тусдаа хийх ажил биш, харин ажлаа хооронд нь уялдуулах, гал түлж байгаа хүн бүрийн үүрэг, оролцоо чухал гэдгийг нийгэмд ойлгуулах хэрэгтэй байгааг тодотгосон юм. Сайжруулсан түлшний хэрэглээг нэвтрүүлэх зэргээр богино хугацаанд хийх ажлуудаа тодорхой болгосон шиг Улаанбаатарыг утаанаас бүр мөсөн салгахын тулд хаана, хэн юу хийх нь маш тодорхой, дараа нь хариуцсан эзэнтэй байх шийдлүүдийг тусгасан дунд, урт хугацааны төлөвлөгөөг яаралтай танилцуулах, урин дулаан боллоо гээд утааг марталгүйгээр харин ч шат шатандаа төлөвлөсөн ажлуудаа дор бүрдээ эрчимжүүлж ажиллах үүрэг, чиглэлийг тус ажлын хэсгийнхэнд өглөө гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

Shuud.mn
Сонин хачин
Jjjj:
Odoo undsen ajlaa hiisen n deeree. Zarimdaa hetreed baih yu.
2019-03-14
Гэр хороолол гэж аймшгийн юм байгаа цагт утаа байсаар л байх болно. Утаанаас үнэхээр салмаар байгаа бол эхний ээлжинд салхины дээд талд байрлалтай гэр хорооллуудыг хотоос зайлуул, ядахдаа салхины доор байрлалд нүүлгэн шилжүүл. Дахиал нэг гэр ч хотод нэмж бариулахгүй хууль санаачилж батал. Нийслэлийн оршин суугчдыг хордуулж байгаа гол "утаа үйлдвэрлэгч"-гэр хорооллынхоноос маш өндөр татвар авч мөнгөөр нь уушгины том эмнэлэг барь. Ерөөс гэр хороололд амьдрахад эзийн засгийн хувьд ашиггүй болго. Тэхгүй бол байр, ус цахилгааны мөнгө бараг төлөхгүй, зүгээр нүхэн жорлондоо баачихаад суугаад байх санаатай.
2019-03-14
Гэр хороолол гэж аймшгийн юм байгаа цагт утаа байсаар л байх болно. Утаанаас үнэхээр салмаар байгаа бол эхний ээлжинд салхины дээд талд байрлалтай гэр хорооллуудыг хотоос зайлуул, ядахдаа салхины доор байрлалд нүүлгэн шилжүүл. Дахиал нэг гэр ч хотод нэмж бариулахгүй хууль санаачилж батал. Нийслэлийн оршин суугчдыг хордуулж байгаа гол "утаа үйлдвэрлэгч"-гэр хорооллынхоноос маш өндөр татвар авч мөнгөөр нь уушгины том эмнэлэг барь. Ерөөс гэр хороололд амьдрахад эзийн засгийн хувьд ашиггүй болго. Тэхгүй бол байр, ус цахилгааны мөнгө бараг төлөхгүй, зүгээр нүхэн жорлондоо баачихаад суугаад байх санаатай.
2019-03-14
Oyun:
Гэр хорооллыг дулаанд холбох эсвэл цахилгаанаар мон сайжруулсан тулш-одоохондоо) халах талаар шийдэхгуй бол бид амьдрахад хэцуу болж бн. Одоо дулаарахаар тоос босч эхэлнэ. Хаврын шороо биш ходолгооноос уудэлтэй шороо тоос РМ 2,5 ба РМ10 Гэр хорооллын айл болгонд улсаас унэгуй мод тараан тайруул, ургуулж арчлаагуй айлаас модны толборийг 2 нугалж ав. Харин тараасан мод чинь амьдрах чадвартай мод байх ингэвэл ядаж хорт утаа, бохир шороо тоос гайгуй болно. Уг ажлыг чамайг хийнэ гэдэгт итгэж бн Оюунэрднээ бид ч модоо таринаа оопсдийнхоо толоо
2019-03-14
Орон сууцжуулах эсвэл гэр хороололыг дулаанд холбож байж л шийдсэн дээр байх дахиад л судалгаа зуух гэж хэдэн тэрбумаар урэхгуй л байгаасай
2019-03-13