Замын цагдаагийн баруун урд уулзварын гүүрэн гарцын бүтээн байгуулалт энэ сарын 25-наас эхлэн үргэлжлэх талаар нийслэлийн Авто замын хөгжлийн газар болон замын цагдаагийн байгууллагаас мэдээлэл хийлээ.
Тус гүүрэн гарцыг БНХАУ-ын Засгийн газрын хөнгөлөлттэй зээлээр барьж буй бөгөөд одоогоор 43.5 хувийн гүйцэтгэлтэй байна. Гүүрэн гарцын 96 тулгуурын 91-ийг нь хийж гүйцэтгэсэн. Үлдсэн таван тулгуурын өрөмдлөгийн ажил Олимпийн гудамжинд хийгдэх юм. Үүнтэй холбогдуулан Олимпийн гудамжны автозамыг энэ сарын 25-ны өглөөнөөс эхлэн хаана. Харин Нарны зам болон Дамдинсүрэнгийн гудамжны замыг хаахгүй аж.
Дашрамд дуулгахад Замын цагдаагийн гүүрэн гарц нь 477 м урттай. Төлөвлөгөөний дагуу наймдугаар сарын 25-нд үндсэн гүүрийг нээнэ. Харин гүүрийн барилгын нийт ажил 10 дугаар сарын нэгэнд бүрэн дуусах юм байна.
М.Болд
Уншиж байна |