Хэвтүүл хөдөлгөөний ээлжит жагсаал Сүхбаатарын талбайд болж байна. ЖДҮХС-аас зээл авсан төрийн эрх мэдэлтнүүдээс хариуцлага нэхэх зорилгоор уг жагсаалыг долоо хоног бүрийн бямба гаригт зохион байгуулж буй юм. Тэд цаашид ч бямба гариг бүр төв талбайд жагсаал хийж, ЖДҮХС-аас зээл авсан гишүүдээс хариуцлага нэхэх гэнэ.
Хэвтүүл хөдөлгөөнийг үүсгэн байгуулагчдын нэг дэд сайд асан Ж.Амарсанаа "Эрх баригчид бидний тэмцлийг бүдгэрүүлэхийг хүсч байна. Ард түмнийг ЖДҮ-ийг мартуулахыг хүсч байна. Ингэж мартуулж, хариуцлагаас мултрахыг хүсч байгаа. Бид мартахгүй, дөжрөхгүй, уучлахгүй гэдгийг хатуу хэлье" гэв.
Мөн Хэвтүүлүүд хөдөө орон нутагт ажиллаж эхэлсэн байна.Өнгөрсөн долоо хоногт Төв аймагт очсон гэнэ. Өнөөдөр бусад аймгууд руу гарч буй аж. Ингэхдээ тэд ЖДҮХС-аас зээл авсан гишүүдийн тойрогт очиж, сонгогчидтой уулзалт хийх юм байна.
М.Болд