6000 тонн сайжруулсан түлш үйлдвэрлэж нөөцөлжээ
2019-03-29
Гэрэл зургийг MPA.mn

 

Засгийн газар ирэх тавдугаар сарын 1-нээс Улаанбаатар хотод ахуйн зориулалтаар түүхий нүүрс оруулахыг, худалдан борлуулах, түлэхийг хориглосон. Түүхий нүүрсэнд “баяртай” гэж хэлэхэд багахан хугацаа үлджээ.

 

Тавдугаар сарын 1-нээс нүүрс түлүүлэхгүй, худалдахыг ч хориглох тул сайжруулсан түлш үйлдвэрлэх, нөөцлөх ажлыг төр, хувийн хэвшил хамтран хэрэгжүүлж эхэлсэн. Одоогоор шахмал түлш үйлдвэрлэдэг хувийн болоод хувьсгалын 10 гаруй компани бий.  Мөн “Тавантолгой түлш” ХХК төрийн нэрийн өмнөөс шахмал түлш үйлдвэрлэж байгаа. Эдгээр компаниуд түлш үйлдвэрлэлийн чиглэлээр 6000 тонн сайжруулсан түлш үйлдвэрлэж нөөцөлжээ.

 

Улаанбаатар хотод 196 мянга гаруй зуух, 260 мянга гаруй уурын зуух ажиллаж байгаа гэсэн тоо баримт бий. Иймээс агаар, орчны бохирдлыг бууруулахаар 8 чиглэлээр 32 арга хэмжээ авч ажиллаж байгаагийн дийлэнх нь Улаанбаатарт хэрэгжих юм байна. Цаашид 1 тонноос дээш том багтаамжтай 5 агуулах барихаар төлөвлөсөн байна.  

 

НИТХ-ын ээлжит XXIII хуралдааны үеэр Хотын захирагч  С.Амарсайхан “Түүхий нүүрс түлдэг яндангын тоог эрс цөөлнө. Улаанбаатарт ажиллаж байгаа бага оврын уурын зуухнуудад шүүлтүүр тавина.  Баянгол дүүргийн нутагт жилдээ 10,0 тонн түүхий нүүрс түлж агаарт тодорхой хэмжээний бохирдол үүсгэж байсан зорчигч тээврийн галт тэрэгт угаарын хийг нүүрсхүчлийн хий болгож хувиргадаг шүүлтүүр тавьж эхэлсэн. Энэ ондоо ямар ч байсан багтаад үйлчилгээнд явж байгаа галт тэрэгэнд шүүлтүүр тавина” хэмээн хэллээ.

 

Г.Сүрэн

Shuud.mn
Сонин хачин