АН-аас зохион байгуулж буй Эсэргүүцлийн цуглаан Сүхбаатарын талбайд үргэлжилж байна. Жагсаалд АН-ын удирдлагууд оролцож, УИХ-ыг тарахыг шаардлаа.
АН-ын дэд дарга Р.Амаржаргал "АН УИХ тарах нь зүйтэй гэсэн улс төрийн шийдвэр гаргасан байгаа. Өнөөгийн УИХ Монгол Улсын төрийн дээд байгууллагыг төлөөлөн ажиллах ямар ч чадваргүй болсон гэсэн дүгнэлтийг хийсэн. 60 тэрбумаар дүүрсэн УИХ Монгол Улсын эцэг хуулинд халдах гэж байна. Энэ огт байж болохгүй зүйл. ЖДҮ-ийн зээлийг булааж авсан хүмүүс Монгол Улсын Үндсэн хуулинд халдах гэж байна. Ийм зүйл байж болохгүй. Бид УИХ-аас ихийг шаарддаг. Гэтэл хулгай хийж, ард түмний авах зүйлийг дээрэмддэг хүмүүс төрийн эрх барих байгууллага болчихоод Үндсэн хуулинд халдана гээд ичихгүй яриад сууж байна. Үүнийг бид эсэргүүцэж цугласан" хэмээн хэллээ.
Эсэргүүцлийн жагсаалд нийслэлийн дүүргүүд болон аймгуудаас ирсэн иргэдийн төлөөлөл оролцож байна.
Уншиж байна |