Нийслэлийн Засаг даргын шуурхай зөвлөгөөн өнөөдөр болсон. “Зүүнбаян рефайнери” ХХК Туулын бургасыг огтолж, байгаль орчинд хохирол учруулсан асуудал сүүлийн үед олны анхаарлын төвд байна. Нийслэлийн Засаг дарга бөгөөд Улаанбаатар хотын захирагч С.Амарсайхан өнөөдөр “Зүүнбаян рефайнери” ХХК-ийн үйл ажиллагааг зогсоох үүргийг холбогдох хүмүүст үүрэг болгосон байна. Энэ талаар Нийслэлийн Засаг дарга бөгөөд Улаанбаатар хотын захирагч С.Амарсайхан сэтгүүлчдийн асуултад хариулахдаа:
-Туул голын орчимд үйл ажиллагаа явуулж байгаа хоёр компанийн үйл ажиллагааг зогсоон үүрэг даалгаврыг өгсөн. “Идэр интернэшнл” Туул голын эрэг дээр 2.7 га газарт зөвшөөрөлгүй үйл ажиллагаа явуулж байгаа компанийг зогсоосон. Мөн надтай холбоотой гэж яриад байгаа “Зүүнбаян рефайнери” ХХК-ийн үйл ажиллагааг зогсоох шийдвэр гаргасан.
Би өмнө нь аж ахуй эрхэлж, бизнес хийж байхдаа ч хууль зөрчиж байгаагүй. Тэр компанийн зөвшөөрлийг БОАЖЯ-наас цуцалсан. Шүүх дээр явж байгаа юм билээ. Тэнд 1200 гаруй иргэн, аж ахуй нэгж үйл ажиллагаа явуулж байгаа. Хуулийн дагуу зөвшөөрөл авсан бол үйл ажиллагаагаа явуулах ёстой хэмээлээ.
Э.Сонор
Уншиж байна |