Ази, номхон далайн орнуудыйн дээд боловсролын эрдмийн зэргийг харилцан хүлээн зөвшөөрөх тухай бүс нутгийн ЮНЕСКО-ийн 2011 оны Токиогийн конвенцид Монгол Улс нэгдэн орсон. Ингэснээр Монгол Улсын их, дээд сургуулийн дээд боловсролын эрдмийн зэргийг Ази Номхон далайн бүс нутгийн орнууд тавдугаар сарын нэгнээс өдрөөс хүлээн зөвшөөрдөг болно. Энэ талаар БСШУС-ын сайд Ё.Баатарбилэг, ЮНЕСКО-ийн Ази, Номхон далайн бүс нутгийн газрын дарга Либинг Ванг нар мэдээлэл хийв. БСШУС-ын сайд Ё.Баатарбилэг:
-Их, дээд сургуулиудын дипломыг гадаад улс оронд хүлээн зөвшөөрдөггүй асуудал байдаг. Харин одоо Токиогийн конвенцид нэгдсэнээр хүлээн зөвшөөрөгдөх хаалгыг нээж байна. Ази, Номхон далайн орнууд, тэр дундаа Япон, Австрали, БНСУ, Шинэ Зеланд орнууд хүлээн зөвшөөрч, цаашид суралцах боломж нээгдэж байна. Дээд боловсролын салбарт энэ журмыг хэрэгжүүлнэ хэмээв.
Н.Энх
Уншиж байна |