Монголын ардчилсан хувьсгалын удирдагч С.Зориг агсны төрсөн өдөр өчигдөр тохиолоо. Журмын нөхөд нь түүний хөшөөнд цэцэг өргөн, хүндэтгэл үзүүлсэн юм. Энэ үеэр АН-ны дарга, УИХ-ын гишүүн С.Эрдэнэ:
Аймшиг хэрэг гарсан цагаас хойш 21 жил өнгөрлөө. Өнөөдөр С.Зоригийн маань үхлээр хүн, улс төрийн хүчин улс төр хийж, улс төрийн ашиг хонжоо олж байгаад харамсаж байна. Монголын ард түмэнд маш их гарз учруулсан хэрэг байсан. Өнөөдөр энэ хэргийг илрүүлэх хугацаа болсон. Хуулийн байгууллага гэмт этгээдүүдий олж тогтоож, захиалагчийг илрүүлэх торгон мөчид будилаантуулж байгаад харамсаж байна. Улстөрчид дур зоргоороо аашилж байгаад харамсаж байна. Манайх хуулийн засаглалтай орон. Өнөөдөр шүүх, хуулийн байгууллагад итгэгхүй бол өөр хэнд итгэх вэ. Гэтэл эрх мэдэлтнүүд дур зоргоороо аашилж байгаад харамсаж байна. АН-ын даргын хувьд энэ хэргийн захиалагчийг зарлахыг холбогдох байгууллагаас шаардна.
Монголын хуулийн байгууллагыг 20 гаруй жил томилогдож ажилласан нөхөр хуулийн байгууллагад эрүү шүүлт байгааг гэнэт мэдсэн юм шиг аашилж, авирлаж байгаад гайхаж байна. Эрүү, шүүлтийг байхгүй болгож, хүний эрхийг дээдэлсэн улс болгох ёстой хэмээв.
Н.Энх