Украины ард түмэн улс төрийн туршлага бага, инээдмийн жүжигчин Владимир Зеленскийг Ерөнхийлөгчөөрөө сонголоо.
Тус улсад энэ амралтын өдөр Ерөнхийлөгчийн сонгуулийн эцсийн шатны санал хураалт зохион байгуулагдсан юм.
Саналын хуудсыг бүрэн тоолж дуусаагүй байгаа ч Владимир Зеленский урьдчилсан байдлаар өрсөлдөгч Ерөнхийлөгч Петр Порошенког ялсан нь тодорхой болжээ.
Владимир Зеленский урьдчилсан байдлаар сонгогчдын 70 гаруй хувийн санал авч, ҮНЭМЛЭХҮЙ ялалт байгуулсан гэнэ.
Сонгуулийн Ерөнхий хороо "Нийт сонгогчдын саналын 40 хувийг тоолж дууссан. Нэр дэвшигч Владимир Зеленский 73 хувийн санал, Порошенко 25 хувийн санал аваад байна. Тун удахгүй сонгуулийн эцсийн дүн гарах болно" гэж мэдэгдлээ.
Тэрбээр саяхан ялалтаа орон даяар тунхаглаж, ард түмнээ хамгаалдаг удирдагч болохоо амлажээ.
Уг мэдэгдлийн дараахан улиран сонгогдох боломжоо алдсан "Шоколадны хаан" гэгддэг Порошенко ялагдлаа хүлээн зөвшөөрч, шинэхэн Ерөнхийлөгчдөө баяр хүргэсэн гэнэ.
Б.Дэлгэрцэцэг
Уншиж байна |