Гадаад улсад Монгол Улсаа төлөөлөн суух 18 Элчин сайдуудыг удахгүй томилно. Элчин сайдаар томилогдох эрхмүүдийн нэрс ч эхнээсээ тодроод байгаа юм. ГХ-ны сайд Д.Цогтбаатар "Ирэх долоо хоногт Элчин сайдуудын томилгоог Засгийн газрын хуралдаанаар оруулж хэлэлцүүлнэ. Одоогийн байдлаар 10 хүний нэр орж ирээд байна” гэж сэтгүүлчдийн асуултад хариулсан. Ямартай ч дараах эрхмүүдийг Элчин сайдаар томилох тохироонд хүрээд байгаа аж. Үүнд:
Ц.Нямдоржийн хүү Австралид суух Элчин сайдаар томилогдоно
Авсрали Улсад суух Элчин сайдаар ГХЯ-ны Төрийн захиргааны удирдлагын газрын захирлаар ажиллаж байгаа Н.Анхбаяр томилогдох нь. Түүнийг ХЗДХ-ийн сайд Ц.Нямдоржийн хүү гэдгээ нь андахгүй. Н.Анхбаяр УИХ-ын Тамгын газар, ГХЯ-нд Хуулийн хэлтсийн дарга, Консулын газрын дэд захирал, эдүгээ Төрийн захиргааны удирдлагын газрын захирлаар ажиллаж байгаа юм.
УИХ-ын гишүүн асан Э.Мөнх-Очир консулаас Элчин
УИХ-ын гишүүн асан Э.Мөнх-Очир Турк улсад суух Элчин сайдаар томилогдохоор тохироонд хүрчээ. Тэрбээр Баянзүрх дүүргийн Засаг дарга, Улаанбаатар хотын ерөнхий менежер, 2008-2012 онд УИХ-ын гишүүнээр сонгогдож байсан. Эдүгээ Туркийн Истанбулд Ерөнхий консулаар ажиллаж байгаа юм. Э.Мөнх-Очир УИХ-ын дарга асан Л.Энэбишийн хүү билээ.
Баянгол дүүргийн Засаг дарга С.Одонтуяагийн нөхөр Д.Өлзийбүрэн ОХУ-д
Энэ долоо хоногт УИХ-ын чуулганаар Элчин сайдыг эгүүлэн татах асуудлыг хэлэлцэнэ. Ерөнхийлөгч өнгөрсөн долоо хоногт ОХУ-д суугаа Элчин сайд Б.Дэлгэрмааг эгүүлэн татах асуудлыг УИХ-д хүргүүлсэн юм.
Б.Дэлгэрмааг эгүүлэн татсанаар түүний оронд ОХУ-д суух Элчин сайдаар Д.Өлзийбүрэнг томилох тохироонд хүрчээ. УИХ-ын гишүүн асан, Баянгол дүүргийн Засаг дарга С.Одонтуяагийн нөхөр Д.Өлзийбүрэн Газрын тосны газар, нийслэлийн Сүхбаатар дүүргийн ИТХ-ын даргаар ажиллаж байсан юм.
Ийнхүү шинээр томилогдох Элчин сайдуудын нэрс эхнээсээ тодорч, тохироонд хүрчээ.
Н.Энх