АНУ-ын Бостон хотын шүүх "Яахаас ч буцахгүй эзэгтэй нар" цувралын од, жүжигчин Фелисити Хаффманыг хууль бусаар хүүхдээ их сургуульд элсүүлсэн хэмээн буруутгаж, ял оноосон талаар "www.dailymail.co.uk" сайт мэдээллээ. 

Тэрбээр том охиноо Америкийн нэр хүндтэй их сургуульд элсэх элсэлтийг оноог засуулахын тулд  зуучлагч этгээдэд 15 мянган ам.долларыг өгсөн нь шалгалтаар нотлогджээ. 

Прокурорууд жүжигчин эмэгтэйд дөрвөн сарын ял, 20 мянган ам.долларын торгууль төлүүлэх шийтгэл оноосон байна. Түүний хоригдох хугацаа ирэх есдүгээр сарын 13-наас эхэлнэ. 

АНУ-ын Хууль зүйн яам хоёр сарын өмнө Америкийн баячууд хүүхдээ дотоодын нэр хүндтэй их сургуульд элсүүлэхийн тулд авлига өгдөг байсныг илчилжээ. Уг дуулианд Америкийн нөлөө бүхий 50 эрхэм холбогдсон нь олныг гайхшруулсан билээ. 

Жүжигчний том охин Софиа элсэлтийн шалгалтын 1600 онооноос 1420 оноо авсан учир хүссэн их сургуульдээ элсэх боломжгүй болсон учир авлига өгөхөөс өөр сонголтгүй болжээ. 

Б.Дэлгэрцэцэг