УИХ-ын гишүүн асан Г.Батхүү Төрийн ордонд таалал төгссөнийг АН гадны нөлөөтэй байж болзошгүй гэж үзэж байгаа. Түүнтэй хамгийн сүүлд УИХ-ын гишүүн Н.Номтойбаяр уулзсан байна. УИХ-ын гишүүн Н.Номтойбаяр " Би энэ сарын 17-ны орой талийгаач Г.Батхүүтэй чуулганы танхимын үүдээр хамт явж таарсан. Хамгийн сүүлд уулзсан МАН-ын гишүүнийг эргэлзэж, хайх хэрэггүй. Би уулзсан. Дүүгийн өрөө аль билээ гээд 15-18 орчим минут уулзсан. Өмнөх парламентад хамт байсан. Автоспорт адил сонирхдог. Би Г.Батхүү гишүүнтэй уулзаад бүлгийн хуралдаанд орсон. Бүлгийн хуралдаанд ирцээ бүрдүүлж, картаа хийдэг учир тэнд цаг, нартайгаа бүртгэгдсэн. Би өчигдөр цагдаагийн байгууллагад гэрчийн мэдүүлэг өгсөн. Би хаана таарсан, юу ярьсанаа хэлсэн" гэсэн тайлбар хийгээд сэтгүүлчдийн асуултад хариулав.
-Та тэр өдөр халамцуу байсан гэдэг үнэн үү?
-УИХ-ын гишүүд өдрийн хоолонд хамт орсон. Хятадаар явж, Ши Жиньпин даргатай уулзлаа гээд задалсан юм байгаа. Түүнээс бус халамцуу яваагүй. Миний ойлгосноор ЕТГ-ын дарга З.Энхболдын өрөөнд уулзалт болсон юм билээ.
-Талийгаачийн биеийн байдал ямар байсан бэ?
-Би 2016 оны сонгуулиас хойш уулзалдаагүй. Нэлээн турсан харагдсан. Ганцаараа байсан. Миний өрөөнөөс ганцаараа гарсан. Г.Батхүү гишүүнийг гарсны дараа би бүлгийн хуралдаандаа орсон. Картаа хийхэд 19:18 цаг болсон байсан. Талийгаач ганцаараа орж ирээд, ганцаараа гарсан.
Ар гэрийнхэнтэй нь уулзаж амжаагүй, хүндэтгэл үзүүлж амжаагүй байж иймэрхүү байдлаар хэвлэлийн хурал хийсэндээ хүлцэл өчье, уучлаарай.
Н.Энх
Уншиж байна |