АБГББХ: Газрыг улсын тусгай хэрэгцээнд авах тухай УИХ-ын тогтоолын төслийг анхны хэлэлцүүлгээр батлуулахыг дэмжив “Төрөөс мөнгөний бодлогын талаар 2020 онд баримтлах үндсэн чиглэл батлах тухай” УИХ-ын тогтоолыг батлав УИХ-ын сонгуулийн хуулийг хэлэлцэхийг дэмжлээ 200 сая төгрөгийн бэлгийн сантай шинэ жилийн урамшуулалт худалдаа Улсын дээд шүүхийн шүүгчтэй танилцаж, хуулийн төслүүдийг хэлэлцэн шийдвэрлэв Хан-Уул дүүргийн хөгжлийн бэрхшээлтэй иргэд эрүүл мэндийн урьдчилан сэргийлэх үзлэг оношилгоонд хамрагдлаа Тэргүүн хатагтайн зоогийн ширээнээс Met Gala-гийн үдэшлэг хүртэл Сонгуулийн холимог тогтолцоо Үндсэн хуулийн өөрчлөлт рүүгээ нулимсан асуудал биш үү Ерөнхий сайд У.Хүрэлсүхийг ОХУ-ын Ерөнхийлөгч Сочи хотноо хүлээн авч уулзна Шилдэг сумдыг 80 сая хүртэл төгрөгөөр шагнана
Үндсэн хуулийг өөрчлөх төслийг хэлэлцэхийг 98.4 хувийн саналаар дэмжлээ
6-18

УИХ-ын чуулганы нэгдсэн хуралдаанаар Үндсэн хуульд нэмэлт өөрчлөлт оруулах төслийн нэг дэх хэлэлцүүлгийг хийлээ. Чуулганы хоёр удаагий нэгдсэн хуралдаанаар үргэлжилсэн нэг дэх хэлэлцүүлгээр УИХ-ын ажлын хэсгийн, Засгийн газрын, Төрийн байгуулалтын байнгын хорооны санал дүгнэлтийг хэлэлцлээ. Хэлэлцэж байгаа асуудалтай холбогдуулан гишүүд асуулт тавьж, хариулт авч, үг хэлэв. Мөн хуралдаанд ажлын хэсэгт хамрагдсан хуульч, судлаач, депутатууд оролцсон юм.

 

УИХ-ын дарга Г.Занданшатар:

 

-Үндсэн хуульд нэмэлт өөрчлөлт оруулах асуудлаар ажлын хэсэг зөвлөлдөх уулзалт хийж, давхардсан тоогоор 5 сая 547800 саналыг иргэдээс авсан байна.

 

Монгол Улсын Үндсэн хуульд нэмэлт өөрчлөлт оруулах төслийг хэлэлцэх нь зүйтэй гэсэн саналаар санал хураалт явуулна гэлээ. УИХ дахь МАН-ын бүлгийн дарга Д.Тогтохсүрэн:

 

-Өнөөдрийн хэлэлцэж байгаа Үндсэн хуульд өөрчлөлт оруулах ажил түүхэн үйл явдал. Санал хураалтыг илээр явуулах санал хураалт явуулж байна. Санал хураалтыг илээр явуулсан тохиолдолд цахим төхөөрөмжөөр, эсвэл гар өргөж явуулна гэж байгаа. Цахим төхөөрөмжөөр санал хураалт явуулахад хурууны хээ танигдсангүй гэдэг. Тиймээс гар өргөж санал хураалт явуулъя гэлээ. Дараагаар нь УИХ-ын гишүүн Ц.Даваасүрэн: Гар өргөн санал өгөхөөр эсрэг санал өргөж байгаа гишүүд харагдахгүй. Олон нийт эсрэг санал өгч байгааг харах хэрэгтэй. Тийм учраас телевизээр илээр гарга гэлээ.

 

Ингээд Үндсэн хуульд нэмэлт өөрчлөлт оруулах төслийг гар өргөн саналаа өгье гэсэн горимын санал гаргасныг 85.3 хувийн саналаар санал дэмжигдлээ. Ингээд гар өргөн саналаа өгөхөөр боллоо.

 

Ингээд Монгол Улсын Үндсэн хуульд нэмэлт өөрчлөлт оруулах төслийг дэмжих нь зүйтэй гэж Л.Энх-Амгалан, Д.Тогтохсүрэн, С.Бямбацогт, М.Энхболд, Д.Оюунхорол, С.Чинзориг, Ж.Мөнхбат, Ө.Энхтүвшин, С.Батболд, Д.Лүндээжанцан, Ц.Нямдорж, Д.Сумъяабазар, О.Содбилэг, Ш.Раднаасэд, Б.Ундармаа, А.Сүхбат, Ч.Улаан, Я.Содбаатар, Ц.Гарамжав, Л.Мөнхбаатар, Н.Амарзаяа, Н.Оюундарь, Т.Аюурсайхан, Л.Оюун-Эрдэнэ, А.Ундраа, Х.Болорчулуун, Х.Баделхан, Л.Энхболд, М.Билэгт, Ё.Баатарбилэг, Б.Дэлгэрсайхан, М.Оюунчимэг, Д.Сарангэрэл, Ж.Бат-Эрдэнэ, Г.Мөнхцэцэг, Д.Хаянхярваа, Ж.Ганбаатар, О.Батнасан, Б.Батзориг, Ж.Энхбаяр, Б.Жавхлан, Б.Солтан, Ц.Цогзолмаа, Ж.Бат-Эрдэнэ, Ч.Хүрэлбаатар, Н.Цэрэнбат, Б.Бат-Эрдэнэ, Н.Энхболд, Д.Цогтбаатар, С.Жавхлан, Л.Элдэв-Очир, Ж.Батзандан, Л.Болд, Ч.Улаан, Б.Энх-Амгалан, Г.Занданшатар гишүүн зэрэг УИХ-ын чуулганы нэгдсэн хуралдаанд 62 гишүүн оролцсноос Ц.Даваасүрэн гишүүнээс бусад 61 гишүүн дэмжлээ.

 

Хуралдаанд УИХ дахь АН-ын зөвлөлийн долоон гишүүн болон О.Баасанхүү гишүүн оролцоогүй юм. 

 

УИХ-ын дарга Г.Занданшатар:

 

-Хуралдаанд оролцсон гишүүдийн 3/2-оос дээш буюу 98.4 хувийн саналаар Үндсэн хуульд нэмэлт өөрчлөлт оруулахыг дэмжсэн тул нэг дэх хэлэлцүүлгийг хийсэнд тооцлоо. Одоо Төрийн байгуулалтын байнгын хороо ажлын хэсэг байгуулах асуудлаар хуралдаад, чуулган 30 минутын дараа үргэлжилнэ гэлээ.

 

Ийнхүү чуулганы хуралдаан түр завсарлав.

Н.Энх

 

Shuud.mn
Сонин хачин