Үндсэн хуулийн үзэл баримтлалд нийцээгүй хэмээн Цэцэд ханджээ
2019-06-21

Нэр бүхий иргэн Үндсэн хуулийн цэцэд хандаж Ашигт малтмалын тухай хуулийн 47 дугаар зүйлийн 47.1, 47.3, 47.4 дэх хэсэг, 47.5.11, 47.5.12, 47.5.13 дахь заалтууд нь Үндсэн хуулийн үзэл баримтлалд нийцээгүй, иргэдэд дарамт учруулсан, нийгэм, эдийн засгийн хөгжилд саад болсон, аж ахуйн нэгж байгууллагын үйл ажиллагааг хэвийн явуулах нөхцөлийг хаасан, давхар татвар ногдуулсан зохицуулалт болсон, улмаар Үндсэн хуулийн Тавдугаар зүйлийн 4, Арван есдүгээр зүйлийн 1 дэх хэсгийг зөрчсөн байна гэсэн мэдээллийг ирүүлжээ.

 

Дээрх мэдээллийн дагуу үүсгэсэн маргааныг хянан хэлэлцэх Үндсэн хуулийн цэцийн дунд суудлын хуралдааныг 2019 оны 6 дугаар сарын 28-ны өдөр хийхээр товлоод байна гэж Үндсэн хуулийн цэцийн хэвлэл, мэдээллийн төлөөлөгч мэдээлэв.

                    

Shuud.mn
Сонин хачин
МӨН ШУУРХАЙ ХУРАЛДАХ НЬ ЭЭ ҮНДСЭН ХУУЛИЙН ЦЭЦ ГАДААД ДОТООДЫН ОЛИГАРХУУДАД ҮЙЛЧЛЭХДЭЭ ТУН ШУУРХАЙ ЮМАА
2019-06-21