Өнөөдөр дэлхий нийтээр мансууруулах бодистой тэмцэх өдөр тохиож байна. Үүнтэй холбогдуулан Эрүүл мэндийн яамнаас мэдээлэл хийлээ.
НҮБ-ын Ерөнхий Ассамблейн 1987 оны 12-р сарын 7-ны өдрийн 42/112 тоот тогтоолоор жил бүрийн 6-р сарын 26-нд мансууруулах бодисын хэрэглээ, хууль бус эргэлтийн эсрэг олон улсын өдрийг тэмдэглэн өнгөрүүлэх шийдвэр гаргаснаар мансууруулаас ангид байх олон улсын нийгэмлэгүүдийн үйл ажиллагааг тодорхойлж, хамтын ажиллагааг бэхжүүлэхээр зорьсон.
Дэлхийд 269 сая гаруй хүн мансууруулах бодис хэрэглэж байгаагаас 11-21 сая нь судсаар хар тамхи хэрэглэгчид байна. Тэдний 6,6 сая нь ХДХВ/ДОХ-ын халдвартай амьдарч байна. Манай улс хар тамхи хэрэглэгчийн тоогоороо дэлхийд тэргүүлэгч хоёр улс болох ОХУ, БНХАУ-ын дунд оршиж байгаа нь эрсдлийг нэмэгдүүлж байна гэж мэргэжилтнүүд үзжээ. Мансууруулах бодисонд донтогсод бүрэн эдгэрэх магадлал бага байдаг байна. Дэлхий дахинд 3 минут тутамд мансууруулах бодисын хэрэглээний улмаас нэг хүн амь насаа алдаж байна гэсэн судалгаа байдаг аж.
Хар тамхи хэрэглэгчдийн тоогоороо БНХАУ, ОХУ дэлхийд тэргүүлдэг. Үүнээс улбаалан Монгол улсаар дамжин өнгөрөх хууль бус мансууруулах бодисын наймаа, хэрэглээг нэмэгдүүлэх өндөр эрсдэлийг бий болгсоор байгаа нь чухал асуудал болоод байгаа аж.
Монгол Улсын иргэд 2017 онд хар тамхи, мансууруулах бодисын хэрэглээтэй холбоотой 117 хэрэгт 275 хүн холбогдож байсан бол 2018 онд 197 гэмт хэрэгт 403 хүн холбогдож гэмт хэргийн гаралт 75 хувиар өссөн байна. Цаашид энэ тоо өсөх хандлагатай байна. Хар тамхи мансууруулах бодисоос иргэдийг хамгаалах нийгэмлэгээс хийсэн судалгааны дүнгээс үзэхэд мансууруулах бодис хэрэглэгчид 1999 онд 45 байсан бол 2019 онд 966 болж 20 жилийн дотор 20 дахин өссөн аж.
Монгол улсад одоогийн байдлаар өсвөр насны 10 хүүхэд тутмын нэг нь ямар нэгэн мансууруулах сэтгэцэд нөлөөлөх бодисыг сонирхож байсан гэж судалгаанд хариулжээ. Иймд анхан шатны ойлголт өгөх хичээлийг ЕБС-ийн сурагчдын сурах бичигт тусгаж өгсөн ба 24 цагийн турш 1800-2000 утсаар үнэ төлбөргүй зөвлөгөө мэдээлэл өгөхөөр сэтгэл зүйч ажиллаж байгаа юм байна.
Хувь хүн, төр, хувийн хэвшлийн байгууллагуудыг мансуурлын эсрэг дэлхийн өдрийн кампанит ажлын хүрээнд боловсруулсан дээрх багц мэдээллийг нийтэд түгээхийг НҮБ-ын Мансууруулах бодис, гэмт хэрэгтэй тэмцэх албанаас уриалж байна.
Л.Сарангоо
Уншиж байна |