Хар тамхины хэрэгт өртөж, хохирохоос урьдчилан сэргийлэх мэдээлэл өгөв
6-27

Монгол Улсад Гэмт Хэргээс Урьдчилан сэргийлах ажлыг зохицуулах зөвлөлийн ажлын алба, Цагдаагийн ерөнхий газрын хамтран баталсан удирдамж, төлөвлөгөөний дагуу “Дэлхийн хар тамхи, мансууралтай тэмцэх олон улсын өдөр”-ийг тохиолдуулан мансууруулах эм, сэтгэцэд нөлөөт бодисын хууль бус эргэлттэй тэмцэх үндэсний хөтөлбөрийн хэрэгжилтийн хүрээнд өчигдөр /2019.06.26/ Улаанбаатар хотын Буянт-Ухаа дэх хилийн боомт, Орхон аймгийн төв, Сэлэнгэ аймгийн Алтанбулаг, Дорноговь аймгийн Замын-Үүд сум, Өмнөговь аймгийн Гашуун Сухайт дахь хилийн боомтуудад өдөрлөгийн арга хэмжээ зохион байгуулав.

 

Энэхүү арга хэмжээг орон нутгийн Засаг дарга, засаг даргын тамгын газрын ажилтан, алба хаагч, ХЗДХЯ-ны төлөөлөл болон Гадаадын иргэдийн харъяатын газар, Хил хамгаалах ерөнхий газар, Мэргэжлийн хяналтын ерөнхий газар, Сэтгэцийн эрүүл мэндийн үндэсний төв, Гаалийн ерөнхий газартай хамтран, хилийн боомтоор зорчиж байгаа иргэдэд хар тамхи, мансууруулах бодисын хор аюул, энэ төрлийн эм, бодистой холбоотой гэмт хэрэг, зөрчлөөс урьдчилан сэргийлэх чиглэлээр мэдээлэл өгч, яриа таниулга хийн, төрийн байгууллагын алба хаагчдад сургалт зохион байгуулан ажиллаа.

 

 

Тус арга хэмжээний хүрээнд  мэргэжлийн байгууллагуудын хар тамхи, мансууруулах бодис, эм бэлдмэлийг илрүүлэх, тандан судлах, шинжлэх чиглэлээр үйл ажиллагаандаа ашигладаг багаж, техник тоног төхөөрөмж, байгууллагуудын үйл ажиллагааг сурталчилж, Олон улсын Улаанбаатар-Бээжин, Улаанбаатар-Хонконг, Улаанбаатар-Токио, Улаанбаатар-Сөүл, Улаанбаатар-Франкурт 6 чиглэлийн 6 нислэгээр Монгол улсын хилээр нэвтэрч байгаа 400 иргэн, зорчигчидод зориулан гадаад улсад энэ төрлийн гэмт хэрэг, зөрчилд өртөж хохирохоос урьдчилан сэргийлэх агуулга бүхий гадаад паспортын хавчуургыг тараан ажиллажээ.

 

 

Shuud.mn
Сонин хачин
amerik mansuuruulah bodisiig ovchin namdaagch gej zarsnaas bolj olon hunee har tamhind oruulchihsan uls. daraa n ter em bish baina gedgiig medej heregtniib shiitgesen bolovch oroitchihson baisan . goy bolohoor bish genemgeesee bolj genedsen humuus dandaa mongolchuud ene aldaag davtah yamar hereg bainaa
2019-06-27