Ардчилсан хувьсгалын анхдагчид нэгдэн, "Боловсрол төвтэй улс төр" төрийн бус байгууллагыг байгуулжээ. Тус байгууллагыг хотын дарга асан Э.Бат-Үүл санаачлан байгуулсан байна. Удирдах зөвлөлд нь Ерөнхий сайд асан Р.Амаржаргал, М.Энхсайхан, УИХ-ын гишүүн асан Д.Ганболд, С.Оюун, нийтлэлч Баабар нар багтжээ.
Үнэт зүйлээ хамгаалах гэж "Боловсрол төвтэй улс төр" төрийн бус байгууллагыг байгуулснаа Э.Бат-Үүл хэлж байна. Тэрбээр "Үнэт зүйл гэдэг бол хүмүүсийн амьдрах орон зай. Бидний үеийнхэн хумигдсан орон зайд амьдарч байсан. Тэр орон зайг тэлэх гэж ардчиллыг эхлүүлсэн" гэдгийг хэллээ. Мөн тус төрийн бус байгууллагынхан популист улстөрчдийг бус боловсролтой улс төрийг бий болгох зорилготой.
В.Бат