Хятадын эзэн хаад төр барьж байх үед гаргасан үнэт цаасны өрийн төлбөрийг БНХАУ-аас нэхэхээр АНУ төлөвлөж байгаа талаар Блүмберг агентлаг мэдээллээ. 

Эх сурвалжийн мэдээлснээр, Америкийн захиргаа энэхүү асуудлыг боломжтой эсэхийг олон талаас нь судлаж байгаа гэнэ. 

Одоогоор АНУ-п Хятадын эзэн хаадын үеийн хугацаа нь дууссан үнэт цаас эзэмшигч олон мянган хүн байдаг бөгөөд Бүгд Найрамдах Хятад Улс тунхагласны дараа Хятадын шинэ эрх баригчид хувьсгалаас өмнөх засгийн газрын өрийг төлөхөөс татгалзаж байжээ. 

Америкийн үнэт цаас эзэмшигчдийн сангийн тооцоолсноор, инфляцийг харгалзан, Хятадаас нэхэмжлэх хүү болон нөхөн төлбөрийн хэмжээ гурван их наяд гаруй доллар байхаар тооцоо гарсан байна. 

Блүмберг агентлагийн онцолсноор, АНУ-ын Ерөнхийлөгч Дональд Трамп, Сангийн сайд Стивен Мнучин болон Худалдааны сайд Уилбур Росс нар Хятадын үнэт цаас эзэмшигч зарим хүмүүстэй хэдийнэ уулзжээ.

Түүнчлэн Хятадын эзэн хаадын өрийг Бээжинтэй хийж буй худалдааны маргаанд нэмэлт хүчин зүйл болгон ашиглаж болно гэж Цагаан ордон үзэж байгаа гэнэ. 

Худалдааны дайн: Америк компаниуд хохирох нь

Г.Бямбасүрэн