Нэр дэвших эмэгтэйчүүдийн квотыг 30 хувь болгохыг дэмжсэнгүй
2019-12-18

 

 

 

19:00 цаг:

УИХ-ын сонгуулийн хуулийн төслийн анхны хэлэлцүүлгийг хийж байна. Хуулийн төслийн зарчмын зөрүүтэй саналаар санал хураалт явуулж байгаа юм. Шийдвэр гаргах түвшинд нэр дэвшүүлэхдээ эмэгтэйчүүдийн квотыг 30 хувьд хүргэх горимын саналыг УИХ дахь эмэгтэй гишүүдээс гаргасан. Уг саналтай холбогдуулан гишүүн О.Баасанхүү дэмжиж байгаагаа илэрхийлэв. Уг саналыг Төрийн байгуулалтын байнгын хороогоро уг саналыг дэмжигдээгүй  байна. Тиймээс УИХ-ын сонгуульд нэр дэвшүүлэхдээ 30 хувь нь эмэгтэйчүүд байхыг дэмжээгүй байнгын хорооны саналыг дэмжих санал хураалт явууллаа. Гишүүдийн олонх нь байнгын хорооны саналыг дэмжсэн тул уг санал уналаа. Тиймээс хуулийн төсөлд тусгасан улс төрийн намуудаас нэр дэвшигчийн 20 хувь нь эмэгтэйчүүд байх заалт хэвээр үлдлээ. 

 

УИХ-ын сонгуулийг олон мандаттай тойргоор явуулна 

 

17:30 цаг: 

УИХ-ын чуулганы нэгдсэн хуралдаанаар УИХ-ын сонгуулийн хуулийг хэлэлцэж байна. Хэлэлцэж байгаа асуудалтай холбогдуулан зарчмын зөрүүтэй саналаар санал хураалт явуулж байна. "Монгол Улсын Их Хурлын 76 гишүүнийг олон мандаттай тойргоос сонгоно. Сонгуулийн нутаг дэвсгэр нь тойрогт хуваагдана" гэсэн саналыг гишүүд дэмжлээ. 

 

 Уг хуулийн төсөлд Гэмт хэрэг үйлдэж шүүхийн хүчин төгөлдөр шийтгэх тогтоолоор ял эдэлж байгаа хүн нэр дэвшихийг хориглоно.” “Ял эдэлж байгаа” гэж Эрүүгийн хуулийн 5.2 дугаар зүйлд заасан үндсэн болон нэмэгдэл ялаа эдэлж дуусаагүй, эсхүл торгох ялыг биелүүлээгүй байхыг ойлгоно" гэсэн заалтыг гишүүд дэмжлээ.  Үүнтэй холбогдуулан гишүүн О.Баасанхүүгийн гаргасан “авлига, албан тушаалын гэмт хэрэг үйлдэж шүүхээр тогтоогдсон бол нэр дэвшихийг хориглоно” зарчмын зөрүүтэй саналтай холбоотой маргаан үүссэн юм. Уг зарчмын зөрүүтэй саналыг "МАХН-ын дарга Н.Энхбаярыг УИХ-ын сонгуульд нэр дэвшүүлэхгүй гэж гаргасан" гэх улстөржилт явж байгааг О.Баасанхүү гишүүн онцлоод "Би нэг хүнд биш нийтэд зориулж энэ саналыг гаргасан" гэдгээ тодотголоо.

 

Түүнчлэн "Өдөр тутмын болон бусад сонин сэтгүүлд сонгуулийн сурталчилгааны материал нийтлүүлэх.  Энэ хуулийн 40.2.8-д заасан сонин, сэтгүүл нь сүүлийн 12 сарын турш тогтмол гарсан байх бөгөөд түүнд нийтлүүлэх сурталчилгааны төлбөр нь ээлжит сонгуулийн жилийн 1 дүгээр сарын 1-ний өдрөөс өмнөх жилийн 1 дүгээр сарын 1-ний өдрийг хүртэлх хугацаанд баримталсан үнийн дунджаас хэтрэхгүй байна." гэсэн саналыг дэмжсэн юм. 

 

Ухуулах хуудас болон зурагт самбарыг нийтийн эзэмшлийн гудамж, талбай, олон нийтийн газарт үнэ төлбөргүйгээр байрлуулах байршлыг тухайн сум, дүүргийн иргэдийн Төлөөлөгчдийн Хурлын Тэргүүлэгчид санал авах өдрөөс 60-аас доошгүй хоногийн өмнө тогтоож, нийтэд мэдээлнэ.Энэ хуульд заасан нэр дэвшүүлэх ажиллагаа эхлэхээс өмнө Улсын Их Хурлын гишүүн хийсэн ажлын тайлангаа танилцуулах зорилгоор сонгогчидтой хийсэн уулзалт, арга хэмжээ нь сонгогчдын санал татах зорилгоор явуулж байгаа үйл ажиллагаанд хамаарахгүй.

 

 

 

УИХ-ын сонгуулийн хуулийн төслийн анхны хэлэлцүүлгийг хийж байна 

 

16:00 цаг:

УИХ-ын чуулганы нэгдсэн хуралдаан эхэллээ. Хуралдаанаар УИХ-ын сонгуулийн хуулийн төслийн анхны хэлэлцүүлгийг хийж байна. УИХ-ын сонгуулийг олон мандаттай томсгосон тойргоор явуулахаар эрх баригч хүчин шийдвэрлээд байгаа билээ.  Хэлэлцэж байгаа асуудалтай холбогдуулан гишүүд асуулт тавьж, хариулт авч байна. 

Н.Энх

Shuud.mn
Сонин хачин
зочин:
харин тийм. засгаа эрчүүддээ атгуулаад л саарал жагсалтаас дараагийн саарал жагсаалт руу, өрийн хямралаас дараагийн өрийн хямрал руу, ядууралаа хадгалсаар, энд тэндээс гуйлга гуйсаар, төрөө Риотой хамтал нь хараасаар явдаг маань сайхан шд
2019-12-20
Zocnin:
Garsanuud ni shunaliin tulamnuud bsan bolohoor daraagiinhad ni humuus itgelgui bolcnolih yumdaa
2019-12-19
Үе үеийн эмэгтэй гишүүд дотор энэ нь гайгүй дээ гэхээр хүн бна уу. Моносын хэн билээ нэг хүүхэн Баян сэлэнгэ Бохь зажилдаг гэх зэрэг.
2019-12-18
irgen:
er ch bai em ni ch bai chadaltai, shudarga, zov hymyys l tord heregtei baina…odoo baigaa umnuud ch dee yuch hiideggui monch olon jil suuj baina
2019-12-18
даварцан, квоты нь бүр байхгүй болго
2019-12-18
зочин:
харин тийм. засгаа эрчүүддээ атгуулаад л саарал жагсалтаас дараагийн саарал жагсаалт руу, өрийн хямралаас дараагийн өрийн хямрал руу, ядууралаа хадгалсаар, энд тэндээс гуйлга гуйсаар, төрөө Риотой хамтал нь хараасаар явдаг маань сайхан шд