Тэтгэврийн зээлийг төрөөс нэг удаа тэглэх шийдвэр гарсан. Энэхүү шийдвэрийн дагуу хоёрдугаар сарын тэтгэврээс зээлийн төлбөрт суутгахгүй олгосон байна.
Энэ талаар ХНХ-ын сайд С.Чинзориг "Хоёрдугаар сарын тэтгэврээс зээлийн хүүг тооцоогүй. Харин нэгдүгээр сарын тэтгэврээс зээлийн үлдэгдлийг тооцсон зээлийн төлбөр болох 46 тэрбум төгрөгийг хоёрдугаар сарын тэтгэвэр дээр нэмж олгосон. Хоёрдугаар сарын тэтгэврээс 57.9 тэрбум төгрөгийн зээлийн төлбөрийг суутган тооцоогүй. Өөрөөр хэлбэл хоёрдугаар сарын тэтгэврээс зээлийн төлбөрт суутган тооцох байсан 57 тэрбум төгрөгийг суутгаагүй тул тэтгэвэр хэлбэрээр иргэдийн гар дээр очсон. Тэгэхээр нэгдүгээр сарын болоод хоёрдугаар сарын зээлийн төлбөрт тооцох байсан 105 тэрбум төгрөг буцаан эзэндээ очсон гэсэн үг. Одоо зээлгүй ахмадуудад нэг сая төгрөгийн үнэт цаас олгох, "Эрдэнэс монгол" компани бондоо гаргаад Хөгжлийн банк баталгаа гаргах процесс үлдэж байна" гэлээ.
Мөн сар шинийн баяраас өмнө тэтгэврийн зээлийг зургаан сарын хугацаатай олгох ажлыг эхлүүлэхээр ажиллаж байгаа юм байна.
Уншиж байна |