Эдийн засгийн  байнгийн хорооноос намрын чуулганаар хэрэгжүүлсэн ажлынхаа талаар мэдээлэл хийлээ. Эдийн засгийн  байнгын хорооны дарга Ж.Ганбаатар мэдээлэл хийснийхээ дараа сэтгүүлчдийн асуултад хариулав. 

-"Саарал жагсаалт"-аас гарах асуудлаар хоёр хууль унасан гэсэн. Ямар шийдвэр гарган хэрэгжүүлэх вэ?

-"Саарал жагсаалт"-тай холбоотойгоор хууль эрхзүйн орчинд өөрчлөлт орсон. Эрүүгийн хувьд орсон татварын өөрчлөлттэй холбоотой асуудал унасан. Эдийн засгийн байнгын хороонд дөрвөн асуудлыг шийдвэрлэсэн. Хууль тогтоомжтой холбоотой асуудал эцэслэн шийдвэрлэгдсэн.

-"Оюутолгой"-той холбоотой УИХ-ын тогтоолын хэрэгжилтэд хяналт тавьж байна уу?

-Засгийн газар дээр ажлын хэсэг гарч ажиллаж байгаа. 

-"Оюутолгой"-г 34 хувийг зарж, татвараа авах тухай ярьж байна. Энэ талаар хэлэлцсэн үү?

-"Оюутолгой"-той холбоотой УИХ-ын тогтоолоор Дубайн гэрээг сайжруулахаар заасан байгаа. 34 хувийг татвар хэлбэртэй болгоё, буцаая гэсэн асуудал байхгүй. 

-ОУВС-гийн хөтөлбөр цаашид үргэлжлэх үү?

-ОУВС-гийн хөтөлбөр энэ дөрөвдүгээр сараас цаашид  үргэлжлүүлэх эсэхийг Засгийн газар шийднэ. УИХ-ын гишүүний хувьд байр сууриа хэлэхэд ОУВС-гийн хөтөлбөрийг үргэлжлүүлэх онц, ноцтой шаардлага байхгүй гэж үзэж байгаа. 

-Тэтгэврийн зээлийг тэглэхэд ОУВС ямар байр суурь илэрхийлсэн бэ?

-Тэтгэврийн зээлийн тэглэлтийн тухайд ОУВС өнөөдрийн байдлаар ямар нэг байр сууриа илэрхийлээгүй байна. 

Н.Энх