ВИДЕО: Бодлогын хүүг 9 хувь болгож, хэрэглээний зээлийг 12 сараар сунгана
2020-04-13

 

Монголбанкны Бодлогын зөвлөл хуралдлаа. Хуралдаанаар шийдвэрлэсэн асуудлаар холбогдох мэргэжилтнүүд мэдээлэл хийв. 

 

 

Монголбанкны Мөнгөний бодлогын хорооны ээлжит бус хурлаар бодлогын хүүг 1 нэгж хувиар бууруулж 9 хувьд хүргэх, эргэн төлөлт нь хүндрэлд орсон зээлдэгчийн хэрэглээний зээлийн хугацааг 12 хүртэлх сараар сунгах шийдвэр гаргажээ

 

Жилийн инфляци 2020 оны 2 дугаар сард улсын хэмжээнд 6.4 хувь, Улаанбаатар хотын хэмжээнд 6.9 хувь байна. Эдийн засгийн өсөлт энэ онд саарч, эрэлтийн шалтгаантай инфляци нэмэгдэхээргүй байна. Импортын хүнсний зарим бүтээгдэхүүний хангалт доголдохгүй тохиолдолд нийлүүлэлтийн шалтгаантай инфляцийн хэлбэлзэл үүсэхгүйн дээр дэлхийн зах зээл дээр газрын тосны үнийг даган дотоодын шатахууны үнэ буурч байна.

 

Шинэ корона вирусын дэгдэлт үргэлжилж, эдийн засгийн гадаад, дотоод нөхцлийг богино хугацаанд өөрчилж, тодорхой бус байдлыг нэмэгдүүлэхийн зэрэгцээ эдийн засгийн идэвхжлийг бууруулах, бизнессийн үйл ажиллагааг хумих, улмаар зээлдэгчдийн эргэн төлөлт хүндрэх зэрэг нөлөөг үзүүлж байна. Иймээс вирусээс үүдэлтэй эдгээр хүндрэлийг бууруулах, цаашид эдийн засгийн идэвхжлийг дэмжихэд чиглэсэн мөнгөний болон макро зохистой бодлогын шаардлагатай арга хэмжээг авч хэрэгжүүлж байна.

 

Эдийн засаг, санхүүгийн зах зээлийн өнөөгийн байдал, ирээдүйн төлөв болон гадаад, дотоод орчны тодорхой бус байдал, эрсдэлийг харгалзан үзээд эдийн засгийн  идэвхижлийг дэмжих зорилгоор бодлогын хүүг бууруулахын зэрэгцээ хүндрэлд орсон зээлдэгчийн хэрэглээний зээлийн хугацааг 12 сар хүртэлх хугацаагаар 1 удаа сунгаж зээлийн сарын эргэн төлөлтийн хэмжээг бууруулах бодлогын багц шийдвэрийг гаргаж байна.

 

Мөнгөний бодлогын хорооны энэ удаагийн шийдвэр нь инфляцийн зорилтыг алдагдуулахгүйгээр эдийн засгийн болон санхүүгийн тогтвортой байдлыг хадгалахад дэмжлэг болно гэж үзжээ. 

 

 

Shuud.mn
Сонин хачин
Арилжааны банкны олигархиуд төрөө, иргэдээ дэмжихгүй байна.
2020-04-13
yanz buriin shiidver garaad baidag ariljaanii bankuud heregjuulehgui irgedeer tohuurhaj bna
2020-04-13
hadgalamjiin huug buulgah heregteeshdee
2020-04-13
Горойчихсон юмаа:
Ядаж 8,4 болгочооч,ха ха
2020-04-13
Иргэн:
Хадгаламжийн хүүг навс буулгаад дагуулаад зээлийн хүүг бууруулах боломжтой
2020-04-13
Иргэн:
Ийм хоёрын хооронд ямхр ч үр дүнгүй арга хэмжээ авсан болж нүглийн нүдийг гурилаар хуурдагаа болиоч ээ?!
2020-04-13