Улсын онцгой комиссын шуурхай штабаас  цаг үеийн асуудлаар мэдээлэл хийж байна. ГХЯ-ны Консулын газрын захирал Л.Мөнхтүшиг:

-Гадаадад  байгаа иргэдээ үе шаттай авчирч байгаа. Дэлхийн 46 улсаас манай улсын 10836 иргэн эх орондоо ирэх хүсэлтээ гаргаад байна. УОК-оос тавьж байгаа шалгуур, хүндэтгэн үзэх шалтгаанаа тавьж байгаа. 

Аргентин зэрэг дэлхийн өнцөг булан бүрт манай улсын иргэд тархсан. Энэ мэдээллийг ГХЯ хүлээж аваад УОК-т танилцуулдаг. 

Маргааш МИАТ компани Станбул чиглэлд нислэг хийж, тавдугаар сарын 15-ны өдөр газардана. ОХУ-аас оюутнуудыг татан авна. Улаан-Үүдийн Ерөнхий консулын газарт бүртгүүлсэн иргэдийг энэ сарын 14-нд, Эрхүү дэх Ерөнхий консулын газар бүртгүүлсэн 200 орчим иргэнийг энэ сарын 15-нд татан авна. 

Бусад бүс нутагт татан авах иргэдийг ойрын хугацаанд хийнэ.  Тавдугаар сарын 18-нд Улаанбаатар-Дели чиглэлд нислэг үйлдэхээр төлөвлөж байна. Ингээд тавдугаар сарын 19-нд ирнэ гэж төлөвлөж байна. Энэтхэг дэх ЭСЯ нэрсийг баталгаажуулж байна.