УИХ-ын гишүүн С.Жавхлан цаг үеийн асууудлаар мэдээлэл хийж байна. Гишүүн С.Жавхлан АН-д элсэж, нэр дэвшихээр болсон байна.
УИХ-ын гишүүн, АН-ын дарга С.Эрдэнэ:
-Монгол Улсын улс төрийн амьдралд чухал цаг үе ирж байна. УИХ дахь АН-ын бүлэгт С.Жавхлан гишүүн нэгдэн, АН-д элсч байна. Хүний эрх, эрх чөлөөг дээдэлсэн ардчиллыг хөгжүүлэхэд үйлсэд нь өндөр амжилт хүсье гээд АН-ын батламжийг гардуулав.
УИХ-ын гишүүн С.Жавхлан:
-Өнгөрсөн хугацаанд дөрвөн жил ганцаараа яаж дуу хоолойгоо хүргэх вэ, Монголын уудам талаар үзэл бодлоо хүргэх вэ гэдэг дээр хичээсэн. Гэхдээ би үзэл бодлоосоо ухраагүй. Өнөөдөр олуулаа болж байгаадаа баяртай байна. Монгол нутгаа цэлмэг хөх тэнгэр шигээ цэнхэртүүлэх цаг ирж байна гээд "Хонхны дуу"-ны үг бүхий дурсгалын зүйлийг АН-ын даргад гардууллаа.
Н.Энх