Хөвсгөл аймгийн Бүрэнтогтох сумын Эрчим багийн “Нүүрстийн-Ам” гэдэг газар / аймгийн төвөөс баруун урд зүгт 20 км-т, сумын төвөөс зүүн урд зүгт 35 км-т/ 06.14-ний өдрийн 12:00 цагт сонгино түүхээр гэрээсээ гарсан хоёр хүүхэд “Хар боом”  гэдэг 600 орчим метр өндөр хадан хясааны 70 орчим метр өндрөөс унаж нас баржээ.

Цогцсыг хадан хясаанаас буулгах тухай хүсэлтийг 2020.06.15-ны өдрийн 10:00 цагт Цагдаагийн байгууллагаас Онцгой байдлын албанд ирүүлсэн байна. тус хүсэлтийн дагуу аймгийн Онцгой байдлын газрын алба хаагид 11:38 цагт Улаанбаатар хотын Сонгинохайрхан дүүргийн харьяат И/15 настай, эрэгтэй/-ийн цогцсыг 30 метрийн өндрөөс, мөн сумын харьяат С/17 настай, эрэгтэй/-ийн цогцсыг 35 метрийн өндрөөс буулгаж цагдаагийн байгууллагын үйл ажиллагаанд дэмжлэг үзүүлжээ.