Бие организм дахь коронавирусийн халдварыг 97 хувь дарангуйлах чадвартай байгалийн бүтээгдэхүүнийг Германы эрдэмтэд олжээ. Уильмын их сургуулийн анагаах ухааны төвийн Молекул вирус судлалын хүрээлэнгийн мэргэжилтнүүдийн дүгнэлт энэ сарын эхээр  bioRxiv цахим хэвлэл дээр гарчээ. 

Судалгааны явцад эрдэмтэд хар долоогонын шүүс SARS-CoV-2 вирусийг 97 хувь хүртэл дарангуйлж байгааг тогтоосон байна. Тэр дундаа томууны вирус энэ жимсэнд илүүтэй дарагдаж байжээ. Мөн ногоон цай, анарын шүүс ч үр дүнтэй гэдгээ харуулсан байна. 

Амьсгалын замын вирусүүд нь хамар, амны хөндийн залгиур хэсэгт халдварлаж, тэндээ нэмэгдэн, шинж тэмдгүүд илэрдэг гэдгийг онцолжээ. Анхдагч халдвараас урьдчилан сэргийлэх нь доод амьсгалын зам эсвэл өөр хүнд дамжих вирусийн тархалтыг зогсоох боломжтой гэнэ.  Тиймээс ургамлын гаралтай бүтээгдэхүүнүүд томуу болон коронавирусийн халдвартай тэмцэхэд үр дүнтэй эсэх талаар судлахаар шийджээ.

"Хар долоогоны (Aronia melanocarpa), анарын шүүс (Punica granatum) болон ногоон цай (Camellia sinensis) нь хоёр төрлийн вирусийг эсэргүүцэх чадвартай бөгөөд амны хөндийгөө айлснаар амны хөндий дэх вирусийн ачааллыг бууруулж, ингэснээр вирус дамжих боломжийг багасгаж байна" хэмээн эрдэмтдийн судалгаанд өгүүлжээ. 

Мэргэжилтнүүдийн тайлбарласнаар дээрх болон бусад натураль шүүснүүд болон ногоон цай нь хүчиллэг орчин, ургамлын полифенолуудын ачаар вирусийг 80 хувь бууруулах аж. 

Г.Бямбасүрэн