АНУ-ын Аляска мужид коронавирусээс сэргийлэх Pfizer/BioNTech компаниудын вакциныг тариулсан сувилагчид харшил үүсч, улмаар түүнийг эмнэлэгт хэвтүүлсэн гэж Нью-Йорк Таймс сонин мэдээлжээ. 

Эх сурвалжийн мэдээлснээр, сувилагчийн биеийн байдал тогтвортой байгаа гэнэ. Вакцин тариулсны дараах сөрөг үр дагавар нь өнгөрсөн долоо хоногт Их Британид хоёр эмнэлгийн ажилтанд вакцин тариулсны дараа үүссэн шинж тэмдгүүдтэй ижил байжээ. Аляскийн эмнэлгийн ажилтан эм бэлдмэлд харшилдаг байсан талаарх мэдээлэл гараагүй байна.

Энд дуулгахад, 12 дугаар сарын 14-ний өдөр АНУ-д коронавирусээс сэргийлэх вакцинжуулалтын хөтөлбөр эхэлсэн. Вакцинжуулалтад Америкийн Pfizer  болон Германы BioNTech компаниудын хамтран боловсруулсан вакциныг ашиглаж байгаа юм. 

Г.Бямбасүрэн