Европт Оросын вакциныг хамтран үйлдвэрлэхэд Германы компаниудыг татан оролцуулах асуудлаар Оросын Эрүүл мэндийн яамтай хамтран ажиллахад бэлэн гэж ХБНГУ-ын Эрүүл мэндийн сайд Йенс Шпан мэдэгджээ.
Оросын ЭМЯ-ны мэдээлснээр, Эрүүл мэндийн сайд Михаил Мурашко Германы Эрүүл мэндийн сайдтай утсаар ярилцсан байна.
"Ойрын үед Орос болон Германы шинжээчид Оросын вакциныг хамтран үйлдвэрлэх хүчин чадал хайх асуудлаар хэлэлцээр хийнэ" гэж ОХУ-ын ЭМЯ онцолжээ.
Коронавирусээс сэргийлэх хоёр төрлийн вакциныг Орос улсад бүртгэсэн юм. Эхнийх нь Оросын төдийгүй дэлхийд анхдагч болсон "Спутник V" вакцин бөгөөд энэ бэлдмэлийг Гамалеягийн нэрэмжит төвд боловсруулсан бол хоёр дахь вакцин болох "ЭпиВакКорона"-г Вектор төвийн мэргэжилтнүүд гарган авсан юм.
Дээрх бэлдмэлүүд гурав дахь, бүртгэлийн дараах туршилтын үе дээрээ явж байгаа. Судалгааны мэдээллүүдийн гурав дахь завсрын шинжилгээгээр "Спутник V вакцин 91 хувийн үр дүнтэй, харин коронавирусийн хүндрэлээс 100 хувь хамгаална гэсэн дүн гарчээ.
Г.Бямбасүрэн
Уншиж байна |