Хойд Солонгосын удирдагч Ким Жон Ун бараг бүхий л салбарт улсынх нь эдийн засгийн хөгжлийн таван жилийн төлөвлөгөө нуран унасан хэмээжээ. Тэрбээр энэ талаар Солонгосын Хөдөлмөрийн намын хурлын үеэр мэдэгдсэн гэж Ройтерс агентлаг мэдээллээ.
Ким Жон Уны онцолсноор 2020 оны эцэс гэхэд хэрэгжсэн байх ёстой төлөвлөгөөний хүрээнд бараг бүхий л салбарын зорилгууд биелэгдээгүй гэнэ. Мөн өөрсдийн хүчээр эдийн засгаа бэхжүүлэх шаардлагатай гэж Ким Жон Ун цохон тэмдэглэжээ.
Эх сурвалжийн мэдээлснээр, Хөдөлмөрийн намын энэ удаагийн чуулганаар дараагийн таван жилийн эдийн засгийн хөгжлийн төлөвлөгөөг гаргах аж.
Г.Бямбасүрэн
Уншиж байна |