Фейсбүүк сүлжээ АНУ-ын өнөөгийн Ерөнхийлөгч Дональд Трампын хуудсыг 24 цагийн хугацаатай блоколжээ. Ингэснээр бусад хэрэглэгч Трампын хуудсыг үзэж болох ч Ерөнхийлөгч өөрөө мэдээлэл оруулах боломжгүй болсон байна. Үүнээс өмнө Твиттер Трампын хуудсыг 12 цагийн хугацаатайгаар блоколсон юм.
"Ерөнхийлөгч Трампын хуудасны тухайд бид хоёр зөрчил илрүүлсэн. Ингэснээр 24 цагийн хугацаанд блоколж байна. Энэ нь тухайн хуудасны хэрэглэгч 24 цагийн хугацаанд мэдээлэл оруулах боломжгүй" хэмээн Фейсбүүкийн хэвлэлийн алба Твиттер хуудсаараа дамжуулан мэдэгдсэн байна.
Үүнээс өмнө, Вашингтоны Капитолийн ордны ойролцоох эсэргүүцлийн ажиллагааны улмаас Тивттер Трампын мэдэгдэл бүхий видеог устгахыг шаардсан юм. Энэ мэдэгдэл дээр "сонгуулийг хулгайлсан" хэмээн Трамп онцолсон бөгөөд мэдэгдлийг Фейсбүүк болон Юүтүб суваг блоколжээ.
Вашингтон дахь эсэргүүцэл: Хэн, юу хэлэв
Г.Бямбасүрэн