Сөүл-Улаанбаатар чиглэлийн тусгай үүргийн нислэгээр энэ сарын 12-нд Монголд ирж "Корпорейт" зочид буудалд тусгаарлагдаж байсан иргэн нас барсан хэрэг гарчээ.

Тодруулбал тус зочид буудалд тусгаарлагдаж байсан 39 настай иргэн өчигдөр /2021.03.16/ 23.00 цагийн орчимд таван давхраас унаж амиа алдсан байна. Хэргийн газрын үзлэгээр цонхноос даавуу унжуулсан нөхцөл байдал тогтоогдсон тул өндрөөс буух оролдлого хийхдээ болгоомж алдсан байж болзошгүй гэж цагдаагийн байгууллагаас үзжээ. 

Хэргийг Хан-Уул дүүргийн цагдаагийн нэгдүгээр хэлтэст шалгаж байна. 

Б.Итгэл