Эрүүл мэндийн яамнаас covid-19 халдварын цаг үеийн нөхцөл байдлын тухай ээлжит мэдээллийг /2021.03.23/ хийлээ. 

ХӨСҮТ-ийн Тандалт судалгааны албаны дарга Ж.Байгалмаа: 

-Сүүлийн 24 цагийн хугацаанд 16 лабораторид нийт 12326 хүнд шинжилгээ хийлээ. Үүнээс 206 хүний шинжилгээнд коронавирус илэрлээ. Ингэснээр манай улсын нийт батлагдсан тохиолдол 5392 боллоо. Тодруулбал, 204 тохиолдол нь дотоодод бүртгэгдсэн. Шинээр батлагдсан тохиолдлуудын 191 тохиолдол нь Улаанбаатар хотод, Дархан-Уул аймагт 7, Төв аймагт 3, Увс аймагт 2, Хөвсгөл аймагт 1 тохиолдол тус тус бүртгэгдлээ. Ингэснээр орон нутагт батлагдсан тохиолдол 382 болж байна. Мөн эрүүл мэндийн тусламж үйлчилгээ үзүүлж байсан хоёр эмч халдварт өртжээ. 

Мөн сүүлийн 24 цагийн хугацаанд 152 хүн эдгэрч, эмнэлгээс гарлаа. Ингэснээр нийт эдгэрсэн хүний тоо 3758 болж байна. Завхан аймгийн Шилүүстэй суманд халдвараар өвчилсөн дөрвөн хүн эдгэрч, эмнэлгээс гарлаа. Өнөөдрийн байдлаар 1419 хүн эмчилгээнд байгаа. Биеийн байдлыг үнэлбэл, 1218 хүн хөнгөн, хүндэвтэр 183, хүнд 14, маш хүнд 4 хүн байгаа.

Завхан аймгийн Шилүүстэй суманд халдвараар өвчилсөн дөрвөн хүн эдгэрч, эмнэлгээс гарлаа.

М.Насан