Туркмений Ерөнхийлөгч Гурбангулы Бердымухамедов Ахалтекиний морин цогцолборт зочилж, Наурызын баяраар төрсөн унаганд нэр өгсөн талаар ТДХ мэдээлжээ. 

"Үндэсний хаврын баярын өдөр унага мэндэлсэн нь тэмдэглэлт өдрүүд тэмдэглэлт үйл явдалтай үргэлж давхцаж байдгийг харууллаа" хэмээн Бердымухамедов өгүүлсэн байна. Мөн энэ унага тусгаар тогтнолын 30 жил, нийслэлийн 140 жилийн ойн баяр тохиож байгаа жил төрсөн тул "Ашхабад" гэсэн нэрийг унаганд өгчээ.

Тэрбээр морин цогцолборт очсоныхоо дараа "уран бүтээлээ туурвихаар шийдэж, "Ашхабад" нэртэй нийслэлийн түүх, ололтод зориулсан ээлжит номоо үргэлжлүүлэн бичсэн" гэж ТДХ мэдээлсэн байна. "Ерөнхийлөгч номоо бичихдээ шинжлэх ухааны баримт мэдээлэл, уран зохиолын үнэн бодит эх сурвалж дээр тулгуурладаг" хэмээн мэдээлэлд онцолжээ. 

Түүнчлэн, Наурызын баярын өдрүүдэд, Ашхабадын 140 жилийн ойд бэлдэж байх үеэр унага мэндэлсэн нь "Ерөнхийлөгчийн онгодыг сэргээж, тэрбээр "Миний цагаан хот-Ашхабад" шүлгийг нийслэлдээ зориулан тэрлэсэн" хэмээн мэдээлэлд өгүүлсэн байна.

Г.Бямбасүрэн