Шинэ Зеландын Оклэнд дэх Корнуолл паркаас Монгол руу үржүүлгийг зорилгоор үхэр экспортлохоор болсон байна. Харин энэ шийдвэрийг амьтан хамгаалагчид ихээхэн эсэргүүцэж, амьд амьтныг экспортлох нь "хүнлэг биш" гэж мэдэгдсэнийг Шинэ Зеландын stuff.co.nz цахим хуудас мэдээлжээ.
Корнуолл паркийн мэдэгдэлд "Корнуолл парк Монголын фермерүүдийн үржүүлгийн хөтөлбөрт манай үхэр орохоор болсонд баяртай байна. Энэ хөтөлбөр алслагдмал орон нутгийн оршин суугчдын амьдралыг дээшлүүлэхэд тусална" хэмээн өгүүлжээ.
Харин амьтан хамгаалах төрийн бус байгууллагын тэргүүн Дебра Эштон "тэдний цэцэрлэгт хүрээлэн нь амьд амьтны экспортын худалдаанд зориулсан амьтан үржүүлэх зорилгоор ашиглагдаж байгааг сонсоод цочирдсон" хэмээн мэдэгдсэн байна. Корнуолл Парк шилмэл үүлдрийн үхэр үржүүлэх ажлыг 20 гаруй жил хийж байгаа аж.
Эндээс үхэр экспортолсноор амьтад хүйтэн, эрс тэс нөхцөлтэй нутагт очихоосоо өмнө "маш аймшигтай нөхцөлд урт удаан, хүнд замыг туулна" гэж амьтан хамгаалах байгууллагын тэргүүн Эштон сказал мэдэгджээ.
"Үхрийг далайгаар тээвэрлэхэд эрсдэл учирна. Очих газартаа ч олон эрсдэлтэй тулгарна. Шинэ Зеландад үйлчилдэг амьтан хамгаалах хууль журам эдгээр амьтад очих улс оронд үйлчилдэггүй" хэмээн тэрбээр онцолсон байна.
Улмаар үхэр экспортлох шийдвэрээ эргэн харж, цаашдаа амьд амьтдыг эзспортонд гарган худалдахаасаа татгалзахыг уриалжээ. Фейсбүүк хуудсанд экспортын талаарх мэдээлэл гарсны дараа олон нийт ихээхэн эсэргүүцэж, амьтдыг "тамын төгсгөл рүү илгээж байна" хэмээн шүүмжилсэн байна. Түүнчлэн, амьтдыг "хүнд, аймшигтай, амь эрсдэм аялал", Монголын хатуу ширүүн уур амьсгал хүлээж байна гэж зарим нь үзжээ.
Г.Бямбасүрэн
Уншиж байна |