Украины Львов хотод байх, нацизмыг ялагчдын дурсгалд зориулан 1970 онд нээсэн Зөвлөлтийн армийн алдрын хөшөөг тус хотын эрх баригчдын захирамжаар буулгаж эхэлсэн талаар Лента.ру мэдээлжээ.
"Өдгөө Алдрын хөшөө байрлаж буй нутаг дэвсгэр дээр архитектурын тэмцээн явуулах тухай шийдвэрийг хотын гүйцэтгэх хороо өнгөрсөн жил гаргасан. Түүнчлэн энэ хөшөөг шат дараатайгаар буулгах шийдвэр бий" хэмээн хотын нэгдүгээр орлогч Андрей Москаленко мэдэгджээ. Энэ ажил хэзээ дуусах талаар тэрбээр тодорхой хугацаа хэлээгүй бөгөөд хөшөөг буулгасны дараа тухайн талбай дээр архитектурын тэмцээн зарлах бэлтгэл ажлыг хийж байгаа гэнэ.
Энд дуулгахад, нэгдүгээр сарын сүүлээр Украинд Октябрын хувьсгалын зохион байгуулагч Владимир Лениний хамгийн сүүлчийн хөшөөг буулгасан талаар мэдээлж байлаа. Энэ хөшөө Одесс мужийн Старые Трояны сууринд байрлаж байжээ.
Г.Бямбасүрэн
Уншиж байна |