Эрүүл мэндийн яамнаас covid-19 халдварын цаг үеийн нөхцөл байдлын тухай ээлжит мэдээллийг /2021.04.26/ хийлээ. Хэвлэлийн хуралд  ЭМЯ-ны Хэвлэлийн төлөөлөгч Б.Ууганбаяр, Эрүүл мэндийн газрын дарга Л.Энхсайхан нарын албаны хүмүүс оролцож, сэтгүүлчдийн асуултад хариуллаа. 

Вакцин хамрагдсан хүн юуг анхаарах хэрэгтэй вэ? 

Эрүүл мэндийн газрын дарга Л.Энхсайхан: 

-Олон хүн цугласан газар очихгүй байх хэрэгтэй. Учир нь вакцинд хийлгэсэн ч хөнгөн өвчлөх боломжтой. Мөн бусдад халдвар тараах эрсдэлтэй. Тиймээс бусадтай ярихдаа амны хаалтаа авахгүй байх хэрэгтэй. Буяны ажлаар цуглаж голомт үүсэж буй тохиолдол байна. Вакцин хийлгэсэн, хийлгээгүй хоёр хүн зэрэгцэн амьдарч байгаа учир 2023 он хүртэл халдвар хамгааллын дэглэмээ мөрдөх шаардлагатай. Гэртээ агаар салхи сайн оруулж, чийгтэй цэвэрлэгээ сайтар хийх хэрэгтэй. 

М.Насан