УИХ-ын чуулганы нэгдсэн хуралдаан болж байна. Хуралдаанаар Эх, олон хүүхэдтэй эх, эцэгт тэтгэмж оруулах тухай хуулийн төслийн эцсийн хэлэлцүүлэгт бэлтгэсэн тухай байнгын хорооны дүгнэлтийг  гишүүн Ц.Туваан танилцуулав. Энэ үедээ АН-тай холбоотой хийлээ. УИХ дахь АН-ын бүлгийн гишүүд Сүхбаатарын талбайд өлсгөлөн зарлаж байгаа. Учир нь СЕХ АН-аас нэр дэвшигч С.Эрдэнийг бүртгэсэн. АН-аас Н.Алтанхуяг, С.Эрдэнэ нарыг хоёр талаас нэр дэвшээд байсан юм. Тиймээс О.Цогтгэрэл даргатай АН үүнийг эсэргүүцэж, өлсгөлөн зарлаад байгаа билээ. УИХ-ын гишүүн Ц.Туваан:

-Энэ дашрамд хэлэхэд Хуульзүйн байнгын хороо, ХЗДХЯ байдаг бол хүний эрх зөрчигдөх асуудал энгийн үзэгдэл болжээ. УИХ-ын гишүүн н.Адьшаагийн гарыг мушгиж, эмэгтэй гишүүн н.Адьяасүрэн доороо дэвсэх юмгүй өлсгөлөн зарлаад хэвтэж байгаа шүү гэлээ.  

УИХ-ын дарга Г.Занданшатар:

-Төрийн эрх дээд байгууллага УИХ хууль тогтоох, хуулийн хэрэгжилтийг хянан шалгах үндсэн чиг үүргийг хэрэгжүүлдэг байгууллага. Энэ хүрээнд УИХ-ын гишүүн хуулийн хэрэгжилтийг шалгах бүрэн эрх нь байгаа. Харин энэ индрийг ашиглаж, намынхаа дотоод зөрчлийг төрийн зөрчил хямрал болгож болохгүй. Өлсгөлөн зарлаж, хууль зөрчиж байгаа нь Үндсэн хууль зөрчиж байгаа үйлдэл. Хуулийг өөрсдийн явцуу эрх ашигт ашиглаж, дотоод зөрчил, хагарал тэмцлээ Монголын төрд нялзаах үйлдлээ боль. АН дотроо учраа ол. Танай намын дотоод зөрчлийг УИХ шийдэхгүй. 

Чуулганы хуралдаан үргэлжилж байна. 

Н.Нягт