Батлан хамгаалах яам, Зэвсэгт хүчний жанжин штабын гаднах талбайг олон жил арчилж тордоогүй байсан аж. Тиймээс энэ жилийн хаврын ногоон байгууламжийн ажлын хүрээнд тус газрын зүлэгт талбайд нөхөн тарилт хийж, 4-6м өндөртэй том оврын нарс мод суулгах ажлыг өнөөдөр эхэллээ. Тус талбайд нийт 110 ширхэг нарс мод суулгах бөгөөд өнөөдөр 50 ширхэг нарс модыг тарьсан байна. Модыг тарих ажилд Хотын Ерөнхий менежер, Хотын тохижилт цэцэрлэгжүүлэлтийн хэлтсийн албан хаагчид хяналт тавин ажиллажээ.