Г.Занданшатар: Сонгуульдаа идэвхтэй оролцъё
2021-06-09

 

Монгол Улсын Ерөнхийлөгчийн сонгуулийн санал хураалт улс өнөөдөр орон даяар 07.00 цагт эхэллээ. УИХ-ын дарга Г.Занданшатар өөрийн цахим хуудсаараа дамжуулан иргэдийг сонгуульдаа идэвхтэй оролцохыг уриаллаа.

 

Тэрбээр, "2021 оны Ерөнхийлөгчийн сонгуулийн сурталчилгаа хуулийн хүрээнд, шударгаар зохион байгуулагдаж өндөрлөлөө. Монголчууд бид Үндсэн хуулийн өөрчлөлтөөр төрийн тэргүүнээ 6 жилийн давтамжаар нэг удаа сонгохоор хуульчилсан. Төрийн тогтвортой хийгээд залгамж чанарыг эрхэмлэн төрийн тэргүүний бүрэн эрхийн хугацааг ийн уртасгасан гэдгийг Та бүхэн мэдэж байгаа.

Тиймээс Үндсэн хуулиар олгогдсон сонгох, сонгогдох эрхээ эдэлж, саналаа идэвхтэй өгөхийг сонгогч олондоо уриалж байна. Санал өгөхгүй байхыг илт уриалсан, бусдын эрхэнд халдсан үг, үйлдлүүд сошиалаар явж байна. Дахин сонгуулийг зохион байгуулахад үргүй зардал гарахаас гадна сонгогчдын идэвх буурах нөхцөл байдал үүсч болзошгүй юм.

Эрхээ эдэлж, иргэн хүний үүргээ биелүүлж сонгуульдаа идэвхтэй оролцохыг эрхэм та бүхнээсээ дахин хүсье.

Төр түвшин түмэн олон амгалан байх болтугай." гэж бичжээ. 

Shuud.mn
Сонин хачин
Морь унасан толгойгүй хүн.
2021-06-09
Хуцаад байгаа гахай хоншоорт вэ? Чи мэддиймуу?
2021-06-09