Эрүүл мэндийн яамнаас covid-19 халдварын цаг үеийн нөхцөл байдлын тухай ээлжит мэдээллийг /2021.06.14/ хийлээ. 

ЭМЯ-ны Хэвлэлийн төлөөлөгч Б.Ууганбаяр: 

-Сүүлийн 24 цагийн хугацаанд 10 000 сорьцод шинжилгээ хийснээс 2263 хүнд коронавирус илрэв. Ингэснээр манай улсын нийт батлагдсан тохиолдол 78 347 боллоо. Шинээр батлагдсан тохиолдлын 1650 нь Улаанбаатар хотод, 613 нь орон нутагт  байна.  Улаанбаатар хотод бүртгэгдсэн тохиолдлуудын 26,3 хувийг  0-17 насны хүүхдүүд  эзэлж байгаа бол 18-59 насны хүмүүс 66 хувийг эзэлж байна. Мөн 60 дээш насныхан 7,8 хувийг эзэлж байгаа. Түүнчлэн өчигдрийн байдлаар нийт 1152 жирэмсэн эмэгтэй коронавирусийн халдвараар өвчилсөн байна.  Өнөөдрийн байдлаар 375 жирэмсэн эмэгтэй хэвтэн эмчлүүлж байгаа. Үүнээс 12 хүний биеийн байдал нэн хүнд байна. 

Нийслэлд батлагдсан тохиолдлуудыг дүүргээр нь ангилбал, 

• Баянгол дүүрэгт 13,2 хувь

• Баянзүрх дүүрэгт 29,7

• Сүхбаатар дүүрэгт 9,9 хувь

• Сонгинохайрхан дүүрэгт 11,8 хувь

• Хан-Уул дүүрэгт 19,4 хувь

• Чингэлтэй дүүрэгт  11,2 хувь

• Багануур дүүрэгт 2 хувь

• Налайх дүүрэгт 2 хувь тус тус байна. 

Орон нутагт батлагдсан тохиолдлуудыг танилцуулбал, Орхонд 106, Дархан-Уул 91, Хөвсгөл 17, Сэлэнгэд 24, Хэнтийд 13, Дорнод 32, Төвд 34, Сүхбаатарт 22,  Өвөрхангайд 45, Булган 7, Архангайд 28, Баянхонгорт 36, Говьсүмбэр 8,  Говь-Алтай 97, Ховд 72, Увс 23, Баян-Өлгий 8, Завханд 15, тохиолдол  тус тус бүртгэгджээ. 

Мөн сүүлийн 24 цагийн хугацаанд 523 хүн эдгэрлээ Ингэснээр нийт эдгэрсэн хүний тоо 57 025 болж байна. Коронавирусийн халдварын улмаас 8 хүн нас барлаа. Ингэснээр халдварын улмаас нийт нас барсан хүний тоо 369 болж байна.  

Өнөөдрийн байдлаар 9323 хүн эмчилгээнд байгаа. Биеийн байдлыг үнэлбэл, 5839  хүн хөнгөн, 2562  хүндэвтэр , хүнд 766, маш хүнд 156 хүн байна. 

Г.Мичид