Эрүүл мэндийн яамнаас covid-19 халдварын цаг үеийн нөхцөл байдлын тухай ээлжит мэдээллийг /2021.06.17/ хийлээ. 

УОК-ын нарийн бичгийн дарга Т.Баярхүү: 

-Нийслэлийн хэмжээнд 40 автобусаар эрүүл мэндийн нэмэлт үйлчилгээ үзүүлж байна. Гэрээр тусгаарлагдан эмчлүүлж буй иргэдэд 119 дугаарын утсаар тогтмол зөвлөгөө, мэдээлэл өгч байгаа. Өнөөдрийн байдлаар 19 аймгийн 111 суманд хязгаарлалтын дэглэм тогтоосон байна. Мөн улсын хэмжээнд худалдаа үйлчилгээний байгууллагуудад хяналт шалгалт хийж байгаа. Энэ хүрээнд нийслэлийн хэмжээнд 37 мянган аж ахуй нэгж байгууллагуудад хяналт шалгалт хийгээд байна.